هنيه لطمت علي صدرها وشهقت لانها فهمت كلام ثريا
نور وحماتها اتخضو من تصرفها ثريا قالت وه مالك يا هنيه
هنيه دارت نفسها وقالت مفيش يا ام عاصم يلا الوكل جاهز
ثريا مالت علي نور وقالت اوعي تاكلي حاجه غير اللي احنا هناكل منه ولو عوزتي حاجه قوليلي فاهمه او اعمليها لنفسك فاهمه يا بتي
نور حاضر يا ماما
عاصم. نور تعالي غيري علي ما الاكل يجهز
امه بهمس ليه قالت خلي بالك منها ياولدي واوعي تاخد حاجه من يد مرت عمك وخصوصا لو كانت ل نور
عاصم فهم امه وقالها حاضر وباس راسها وطلعو
نور دخلت الاوضه قعدت عالسرير وكانت دايخه
عاصم بصلها وقال انتي تعبانه
نور فنفسها قالت خايفه اقوله اني دايخه ودا بسبب الحمل طبعا هو فاهم انو مش ابنه
عاصم. نووور مالك سرحانه فايه
نور انتبهت له وقالت ولا حاجه هروح الحمام وقامت حست بدوخه رجعت تاني
عاصم مسك ايدها وقالها اطلبلك دكتور
نور بصت لايده الي مسكاها وقالت ش ش شكرا
عاصم. عارف انك دكتوره بس انتي لسه صغيره
نور. انا كويسه دا دا دا
عاصم. انتي لسه هتهتهي
نور. اصل يعني دا دا من ااا
عاصم. فهم تفكيرها وقالها من الحمل صح
نور دموعها نزلت
عاصم. اتنهد وقالها قومي غيري هدومك وانا هنزل اجيبلك الاكل هنا ونامي شويه
نور عاصم اناا
عاصم. مش علشانك
نور. قاطعته وقالت والله مظلومه
عاصم بغضب منها قالها كان لازم اموتك انتي واللي ف بطنك بس لازم استحملك انتي وهو معاكي وبصلها وقال هو صحيح ملوش ذنب كل ذنبه ان امه خاينه
نور بدموع قالت عاصم ارجوك انت كدا بتوجعني قوي وبتجرحني بكلامك دا وانا مستهلش منك كدا
عاصم. بجرحك وبوجعك دا انا المفروض اقطع من جتتك حتت المفروض اموتك ابشع موته ولا حتي ادفنك حيه
نور حطت ايدها علي عيونها ودموعها نزلت اكتر
عاصم سبها وراح الحمام وغير هدومه وبعد شويه خرج وقالها انا هنزل اجيبلك اكل وبصلها بنظره غير مفهومه ومشي
نور. ياتري نظرتك دي ايه يا عاصم لوم وعتاب علي كلامي معاك قبل كدا ولا بتفكر ف انتقامك مني اااااه وآه من التار واللي جرالي منه
عاصم بعد شويه طلع ومعه اكل ليه ولنور دخل لقاها نايمه عالسرير ودموعها علي خدها بصلها وفنفسه قال كان المفروض نفرح مع بعض بابننا دلوقتي بس اعمل ايه كلامك جنني وخرج عصبيتي اللي مستحيل كانت تخرج ليكي
نور حست بخياله قدامها فتحت عيونها وبصتله وقامت قعدت ولسه هتتكلم
عاصم. يلا علشان ناكل
نور. عاصم طلقني
عاصم بصلها وقال بسهوله كدا
نور. ارجوك يا عاصم لازم نبعد عن بعد وكمان متاذيش يوسف ولا ياسر هما مظلومين بلاش تعمل حاجه تندم عليها بعدين
عاصم. خايفه عليهم
نور. عاااصم والله العظيم انا مظلومه وبريئه
عاصم. واللي فبطنك ياست هانم
نور. ابنك يا عاصم ولو مش مصدقني اعمل تحليل
عاصم. ههههه لا انا مصدقك يا قلب عاصم
نور بصتله وعرفه انه بيتكلم بسخريه
عاصم قالها اصدقك ازاي وانا ملمستكيش حد قالك اني اهبل وبيضحك عليا بسهوله لااا فوقي كدا واعرفي انك بتكلمي عاصم الزيني اللي يتهزه اجدع شنب
نور. طيب ممكن تسمعني
عاصم. اسمعك بعد ما انتقمتي وخونتيني انتقمتي لكرامتك فاكره كلامك اللي قولتيه جرحتيني وکسرتيني وظلمتيني وحطيتي راسي فالوحل مش دا كان كلامك
نور يا عاصم اسمعني ارجوك
عاصم. مسمعش صوتك تاني فاهمه
نور بقهر قالت طيب مادام انتي مش مصدقني ولا حتي عاوز تسمع كلامي يبقي خليني امشي
عاصم. بضغط عليها قال عاوزه تروحيله
نور عيطت ودموعها معدتش قادره تسيطر عليها
عاصم. خافي علي نفسك واتقي شري وبلاش تعصبيني وتقولي كلام يخرجني عن شعوري لان طلاق مش هيحصل غير بمزاجي فاهمه ياريت بقا تهتمي بنفسك علشان صحتك والبيبي
نور ماردت
عاصم. يلا كلي
نور بشهقات ودموع قالت مليش نفس
عاصم. نووور كلي من سكات
وبعد يومين
امل دخلت وقالت نور ممكن اتكلم معاكي شويه
ثريا. تعالي يابت يا امل اقعدي
نور. اتفضلي يا اموله
