حماتي كانت بتعامل بنتي الصغيرة بحب مبالغ فيه، لدرجة إني في الأول كنت بقول لنفسي دي جدتها، طبيعي تحبها.
لكن كان فيه حاجة غريبة
كل مرة بنتي تقول قدامها أنا عايزة أرجع لماما، وش حماتي كان بيتغير فجأة.
تسكت.
تبتسم ابتسامة مصطنعة.
وبعدين تقول لها
لسه بدري يا حبيبتي، اقعدي مع تيتا شوية.
بنتي كانت عندها 6 سنين، وكانت متعلقة بيا جدًا. كل زيارة لحماتي كانت تبدأ بالحضن والهدايا والحلويات، لكن أول ما بنتي تطلب ترجع البيت، حماتي كانت بتتعصب بشكل مش مفهوم.
مرة بنتي قالت لها
تيتا، أنا عايزة أروح لماما.
حماتي ردت بسرعة
ماما مشغولة. اقعدي هنا.
بنتي بصت لي.
وأنا وقتها كنت موجودة.
قلت لها
لو عايزة نرجع، نرجع.
حماتي بصت لي نظرة ضايقتني.
إنتِ بتعوديها كل ما تيجي عندي إنها تمشي بدري.
استغربت.
دي بنتي، ولو عايزة ترجعلي مش همنعها.
ما ردتش.
لكن من اليوم ده، بدأت ألاحظ حاجات أكتر.
بنتي بقت كل ما نروح عند حماتي تمسك في إيدي.
ولو حماتي قالت لها
تعالي مع تيتا
.
بنتي ترفض.
في الأول افتكرت إنها زهقت.
لحد يوم حماتي طلبت تاخدها معاها يومين.
وقالت لجوزي
خلي البنت تقعد عندي، محتاجة أغير جو.
جوزي وافق على طول.
لكن بنتي أول ما سمعت الكلام، بدأت ټعيط.
لأ، أنا مش عايزة أروح.
حماتي قربت منها.
ليه يا حبيبتي؟ مش بتحبي تيتا؟
بنتي هزت راسها.
بحبك.
حماتي ابتسمت.
لكن بنتي كملت
بس مش عايزة أبات عندك.
ساعتها وش حماتي اتغير تمامًا.
بصت لي وقالت
إنتِ اللي مخوفاها مني؟
أنا؟ لا طبعًا.
بنتي كانت واقفة جنبي، ماسكة في هدومي.
حماتي قربت منها وقالت
مين قالك ماتروحيش مع تيتا؟
بنتي سكتت.
حماتي كررت السؤال.
مين قالك؟ ماما؟
بنتي بدأت تبص في الأرض.
أنا حسيت إن في حاجة غلط.
