بعد 40 سنة جواز، قاعدة في مكتب المحامي وبسمع بودني إن جوزي كتب كل ثروته لولاده وأخوه وسابني أنا على الحديدة من غير مليم! وفي عز صدمتي وقهرتي من اتهام ولادي وشماتة قرايبه، المحامي طرد الكل وقفل الباب، وإداني جواب مقفول بخط إيد جوزي، أول سطر فيه خلى قلبي كان هيقف وعقلي يطير!!!!
لمدة أربعين سنة، كنت فاكرة إني أكتر واحدة في الدنيا تفهم “مختار” جوزي.
بدأنا حياتنا من الصفر، شقينا سوا، كبرنا ولادنا “حسن” و”نهى”، وجوزناهم وشوفنا ولادهم. عدينا بأزمات وأمراض وخسارة، وعجزنا وإحنا ساندين على بعض. كنت متأكدة إن مفيش سر واحد ممكن نخبيه عن بعض في السن ده.
لحد ما مختار رحل.
آخر 6 شهور في حياته قضاهم على سرير المرض في البيت، وعمري ما فارقته لحظة. كنا ساعات نفتكر ذكرياتنا القديمة، وساعات أقعد جنبه أقرا قرآن وهو نايم، وإيدي ماسكة إيده اللي كرمشت مع الأيام. كنت فاكرة إني بودع جوزي وعشرة عمري بالبطيء.. مكنتش أعرف إنه كان بيخطط للي هيحصل بعد ما يغيب!
في أيامه الأخيرة، أخوه الصغير “محمود” ومراته “سناء” بقوا يزورونا كتير جداً. سناء كانت بتجيب أكل وتعمل نفسها بتبكي عشانه، وفي الأول كنت ممتنة جداً لوقفتهم جنبي في أصعب أيام حياتي.
بس في يوم، سناء كانت قاعدة معايا بره الأوضة، وبسؤال يبان عفوي جداً قالتلي: “إلا قوليلي يا صفية، هي الڤيلا دي مكتوبة باسمك إنتي ومختار ولا باسمه هو بس؟ أصل عقود الأيام دي بتخوف”.
السؤال استغربته، رديت بسلامة نية: “معرفش والله يا سناء، الأستاذ كمال المحامي هو اللي معاه كل الورق”.
سناء ابتسمت وغيرت الموضوع ببراعة خلتني نسيت الموقف كله.
بعدها بكام يوم، سمعت ابني “حسن” بيتكلم في التليفون في الطرقة، وبيقول إنه هياخد ورق من البنك يوديه للمحامي عشان يريّحني من المشاوير. وقتها ابتسمت ودعيتله، كنت فاكرة إن الكل بيساعدني وبيخفف عني.. ده اللي كنت فكراه!
بعد غياب مختار بـ 15 يوم، الأستاذ كمال المحامي طلب العيلة كلها في مكتبه عشان يقرأ الوصية.
سناء مرات أخوه كانت قاعدة جنبي، عمالة تطبطب عليا وتعمل نفسها خايفة عليا من التعب. ولادي حسن ونهى كانوا قاعدين متوترين، ومحمود أخوه حاطط رجل على رجل. المحامي بدأ يقرأ.
مختار ساب مبلغ كبير لمستشفى الأورام اللي كان بيتعالج فيها. وساب العمارة والمحلات لأخوه محمود. والشركة وأرصدة البنوك اتقسمت بالنص بين حسن ونهى ولادي. أنا كنت بسمع وساكتة.. لحد ما الأستاذ كمال سكت لحظة، وبص في الورقة وكمل:
“أما زوجتي ورفيقة عمري صفية.. فلا أترك لها أي أصول أو أموال بموجب هذه الوصية”.
لثواني، حسيت إني سمعت غلط.
بنتي نهى بصت للمحامي بصدمة: “أنت بتقول إيه؟ ممكن تقرأ السطر ده تاني؟!”
المحامي عاد نفس الجملة بوضوح: “لا أترك لها أي أصول أو أموال بموجب هذه الوصية”.
ولا حاجة! بعد 40 سنة جواز وشقا.. مختار سابني في الشارع!
بصيت لولادي مستنية حد فيهم يقول إن دي أكيد غلطة.. بس لقيت نظرة نهى بنتي اتغيرت، وبصتلي بشك وسألتني السؤال اللي أوجعني أكتر من الوصية نفسها: “ماما.. إنتي عملتي إيه خلى بابا يحرمك من كل حاجة بالشكل ده؟!”
بصيتلها بذهول: “أنا عملت إيه؟!”
ردت بانفعال: “بابا مستحيل يعمل كده من غير سبب كارثي يخليه يغضب عليكي كده!”.
حسن ابني سكتها، بس الخراب كان حصل. أنا سهرت شهور أخدم أبوهم وهو بيتعب، وفي دقايق، بنتي شكت إني عملت مصيبة استاهل عليها إني أترمى بره البيت!
سمعت صوت نفس طويل طالع من جنبي.. سناء مرات أخوه.
ملامحها فجأة هديت، وابتسمت ابتسامة صفرا، وحطت إيدها على كتفي وقالتلي بصوت كله تمثيل وشماتة: “يا حبيبتي يا صفية، محدش بيتهمك بحاجة.. عموماً إنتي متقلقيش، أوضة بنتي اللي اتجوزت فاضية، هاتي هدومك وتعالي عيشي معايا أنا ومحمود لحد ما نشوف صرفة فيكي، أحسن ما تقعدي لوحدك في الڤيلا الكبيرة دي”.
رغم صدمتي رديت بكرامة: “أنا هفضل في بيتي معززة مكرمة”.
ردت ببرود: “بيت إيه بس.. ما المحامي بيقولك الڤيلا بقت بتاعة الولاد!”.
ولادي بدأوا يتجادلوا بصوت عالي إزاي هيبيعوا الڤيلا ويقسموها، ومحمود بيحسب أرباح المحلات.. وأنا قاعدة زي الصنم، بسمع الناس اللي ربيتهم بيقرروا مستقبلي وكأني كرسي ملوش لازمة في الأوضة.
فجأة، الأستاذ كمال المحامي خبط على المكتب بحسم وقال: “لو سمحتوا.. الاجتماع انتهى، اتفضلوا كلكم بره”. الكل بدأ يقوم ويخرج، سناء ططبطت عليا باستهزاء وخرجت وراهم.
جيت أقف عشان أمشي، المحامي قالي بصوت واطي: “مدام صفية.. خليكي مكانك”.
وقفت مكاني لحد ما باب المكتب اتقفل علينا. المحامي قام من على كرسيه، فتح درج مكتبه وطلع ظرف أصفر مقفول بالشمع الأحمر، وحطه في إيدي بحذر وقال:
“في الحقيقة يا مدام صفية.. مختار بيه مسابكيش على الحديدة.. هو سابلك ده، ووصاني أديهولك في السر، أول ما عيلتك تخرج من الباب”. قلبي بدأ يدق بجنون.
مسكت الظرف وفتحت الشمع المكسور، وطلعت الورقة. كان خط مختار وجنبه إمضته. بس أول سطر قرأته خلى الدم يهرب من وشي، وجسمي كله يتنفض.
كان كاتب:
“يا صفية.. الوصية اللي سمعتيها دي كانت خطتي عشان أكشفهم وأحميكي منهم.. ودلوقتي، جه الوقت اللي لازم تعرفي فيه الحقيقة المرعبة اللي خبيتها عنك الكام شهر اللي فاتوا…!!!!”
#الكاتبة_نور_محمد
في تلك اللحظة التي قرأت فيها ذلك السطر الأول، شعرت وكأن قلبي توقف عن النبض لثوانٍ، وتجمدت الدماء في عروقي.
كانت يدي ترتعش كورقة شجر في مهب ريح عاتية، وحروف مختار المكتوبة بحبره الأزرق المعتاد وخطه الرقعي المميز كانت تقفز أمام عيني، تنبض بحياة غريبة كأنه يجلس أمامي الآن، ينظر في عيني بنفس نظرته الثاقبة الحنونة التي عرفتها لأربعين عاماً.
الأستاذ كمال المحامي كان واقفاً عند نافذة المكتب الكبيرة، يدخن سيجارته في صمت مطبق، تاركاً لي المساحة لأستوعب الصدمة. أغمضت عيني، وأخذت نفساً عميقاً ارتعشت معه أضلعي، ثم قربت الورقة إلى عيني وبدأت أقرأ ما خطه رفيق عمري قبل أن يفارق الدنيا:
”صفية.. يا رفيقة الدرب، ونور العين، والست الوحيدة اللي شالتني على كفوف الراحة أربعين سنة..
لو بتقرأي الجواب ده دلوقتي، يبقى كمال طرد الكل وقفل الباب، ويبقى توقعي طلع في محله بالحرف.. ولادنا خذلوكي، وأخويا ساب دمي ورا ضهره، وسناء وقفت تتشفى فيكي.
