رأفت هو صديق طفولة عادل يحبان بعضهما جدا يعرفان أسرار بعضهما لكن رأفت رحل إلى المدينة منذ 25 سنة بينما فضل عادل البقاء في الريف
تتالى أخبارهم وزيارات عادل لرأفت وليس العكس هي المرة الأولى التي يزور فيها رأفت عادل
بعدما سحبت حور يدها بسرعة من يد سيف وامسكت يد والدها سمعت صوت امها وهي تحتضن منى
وحشتيني يا منى خالص
منى وإنت كمان وحشتيني خالص
تدخل رأفت مازحا: هي بس مني إلى وحشتك وانا لأ ولا ايه
ألفت بابتسامة: يا خبر يا رأفت كلكوا وحشتونا وصافحته
اقتربت منى من حور تربت على شعرها: بسم الله ما شاء الله ربنا يحفظها يا رب
ألفت بابتسامة: ولا مخبيينها ولا حاجة كل الأمر أن احنا بنخاف عليها جدا
تستحق والله الخوف ده قالت منى ضاحكة
ايه يا سيف مش هتسلم عليا ولا ايه قالت ألفت مبتسمة لسيف
توجه سيف لها وصافحها: هو انا اقدر يا طنط دا حضرتك اول واحدة اسلم عليها
ضحكت ألفت: بكاش زي ابوك يا سيف
ابتسم سيف ولم يرد
يلا يا جماعة اطلعوا اوضكوا جاهزة اكيد تعبانين من السفر فردوس وصليهم قالت هذا ألفت مشيرة لفردوس بالتوجه معهم
صعدوا إلى الأعلى فكانت غرفة سيف بجانب جناح حور وغرفة رأفت في الجهة الاخرى
مالك يا حور
كان هذا عادل الذي وجد حور صامتة
بابي قلبي بيوجعني
نظر عادل وألفت لها بذهول فلأول مرة تقول هذا
أخذها في حضنه واجلسها وامسكت ألفت بكوب الماء الموضوع على الطاولة لتجعلها ترتشف منه
ارتشفت حور رشفة واحدة
حاسة بإيه يا حبيبة بابي وهو يمسد جبينها المتعرق
رفعت عينيها تنظر لوالدها الجالس بجانبها ومن ثم توجه بصرها ناحية والدتها القلقة
همست بألم: قلبي بيدق بسرعة يا مامي خالص
انتظرت ألفت تستمع إلى رنين الهاتف
ريم اهلا اهلا
الحقيني يا ريم حور تعبانة قالت هذا وهي قلقة
وبكل هدوء ردت عليها ريم لأنها اعتادت عليهم
اهدي يا طنط وفهميني هي مالها
مش عارفة بتقول قلبها بيدق بسرعة وبيوجعها
هنا ريم اضطربت بشدة: طنط حور هي الي قالت كده
تعالى بسرعة يا ريم
قالت ريم بقلق شديد وهي تأخذ حقيبتها مسرعة للخارج
أمسكت يدها: مامي اهدي ريم جاية حالا
نظرت لها حور ووضعت يدها على قلبها ولم تتحدث
تقدمت ريم ووضعت حقيبتها على الارض
حور حبيبتي مالك قالت وهي تمسك يد حور
رفعت عينيها رادفة بألم: قلبي بيوجعني يا ريم
استقامت موجهة حديثها لعادل بكل عملية: لو سمحت يا انكل خليها ترتاح على الكنبة
بعد أن فحصتها: مافيش اي سبب عضوي مسبب للألم ده
بكل القلق تحدثت ريم: حور حبيبتي مافيش حاجة عضوية مسببة الألم ثم مسحت على شعرها وأضافت بنبرة رقيقة في حد دايقك
هزت حور رأسها نفيا
لكن قاطع حوارهم صوت منى التي تهبط الدرج مع رأفت: ايه يا ألفت نسيتينا ولا ايه
كان هذا كلام منى
معلش يا منى بس حور تعبانة شوية
منى مقتربة من حور بقلق: ليه مالها
قاطعه سيف الذي ابدل ملابسه وينزل سريعا
انا هخرج شوية يا ماما
لكن قاطعه صوت والدته: تعالى يا حبيبي حور تعبانة
صدمة اختلجت صدره وازداد الوجع وفي المقابل انت حور من وجعها الذي زاد بشدة
اقترب تلقائيا منها لايرى أحدا غيرها نظر في عينيها وكأن مغناطيس يجذبه للنظر ويا للدهشة أصبح الوجع يتلاشى تدريجيا من قلبيهما معا
تحولت نظراتها إلى نظرات دهشة وازالت يدها التي كانت تستقر على مكان قلبها
قالت بدهشة وهي تنظر لوالدتها: الوجع راح يا مامي
الحمدلله يا قلب مامي قالت وهي تمسك يدها تقبلها
ريم: الحمدلله بس هنروح نعمل تحاليل علشان نتأكد انه مافيش حاجة عضوية
حور: حاضر يا ريم
صعدت حور مع والدتها بينما ذهب رأفت وعادل ومنى الي الحديقة الخارجية
بينما ظل سيف ينظر بشغف ناحية الدرج التي صعدته تلك التي سلبت قلبه
اقتربت منه هامسة
ريم: ازيك يا سيف
افاق سيف: بتقولي ايه
ضحكت ريم: اهدا كده اول مرة اشوفك بالمنظر ده
لها سيف باستخفاف: خلصتي
ريم: بص خلاص
سيف: انتي المفروض دكتورة والمفروض تكوني محترمة
تأففت ريم: مالكش دعوة
سيف: انتي المفروض قدوة
جلست ريم بجانبه: الزمن بيعرف
سيف: ما قلناش حاجة
ريم: سيبك مني دلوقتي ايه الي حصل من شوية ده
سيف: الشرارة الي كنت بدور عليها حصلت ومع حور قلبي دق لها يا ريم
ريم: لا يا سيف اهدا كده حور لا يمكن تحس لك بحاجة
سيف باستخفاف: ليه ان شاء الله
ريم: حور حدودها البيت ده اتعلمت هنا حتى الجامعة ماكانتش بتروح الا على الامتحانات
أكملت حديثها وهي جالسة بجانبه وهو يستمع لها بشغف وهي تكمل بابتسامة حور طفلة نقية لسه ما اتلوثتش حور ماتعرفش اي حاجة حور لسه بتسمع كرتون والاميرات حور أقصى أحلامها انها تجيب عصافير جديدة
