Uncategorized

أنا عايزها تبقي مراتي حكايات ملك ابراهيم4

سيف: بعيد الشر عليها يا ريم انا مش عايزها كده انا عايز افهم مشاعري القوية دي
ريم وقد فاض بها: عايز ايه
لكنه لم يجيب فقاطع حديثهم هذا
ايه يا اولاد كلامكوا زي زمان ما بيخلصش برضه
كان هذا حديث رأفت وهو آت هو وعادل ومني
توجهت ريم وسلمت على رأفت وعلى منى

عادل وعلامات الدهشة ظاهرة على وجهه: ايه ده هو انتوا تعرفوا بعض ازاي
رأفت: اكيد نعرفها كانت أقرب واحدة لسيف من الثانوي ودخلت البيت وحبيناها قوي
حديثه ضاحكا: خدنا فترة انا ومنى عايزين نجوزهم لبعض من كتر قربهم بس نعمل ايه هم اخوات وأصحاب وبس ولا ايه يا سيف
لم يكن سيف يستمع لهم بل كان في عالم اخر عالم دقات قلبه لهذه الحور
سيف: بابا انا عايز اتجوز حور

الفصل 4
بابا انا عايز اتجوز حور
ظلت هذه الجملة تكرر مئات المرات في عقل عادل الذي ينظر بدهشة جراء هذا الطلب لم يعد قادرا على الوقوف فجلس على أقرب كرسي
بينما ريم اتسعت عيناها بشدة وفغرت فاها بصدمة ولم تتفوه الا بجملة واحدة هامسة بها: يا ابن المجنونة
خرج رأفت من صدمته وتوجه إلى سيف: ايه الي بتقوله دا يا سيف انت واعي للي بتقوله
رد سيف بثبات: اكيد يا بابا واعي جدا
حاول والده التحدث بأكبر قدر من الهدوء: يا ابني انت لسه شايفها من ساعات دا غير انك في بيت أخويا وصاحب عمري

ركع سيف امام عادل وامسك بيديه فتح عادل عينيه ونظر له
انا عارف انك خايف عليها وبتحبها بس انا مش وحش والله هعاملها انها بنتي قبل مراتي هخاف عليها اكتر من نفسي والله يا عمي قلبي دق لها
وقف سيف: يا عمي انا لفيت العالم شفت ستات كتير ماحستش حد فيهم ابدا زي ما حسيتها والحب مش على كيفنا هي شرارة وحصلت

لم يرد عليه أحد ساد الصمت
ربت رأفت على فخذ عادل: احنا هنمشي يا عادل
فاق من ذهوله: انت بتقول ايه دا بيتك تمشي فين
لازم نمشي علشان تفكر انا يا عادل بطلب ايد حور رسمي لسيف
نظر عادل لرفيق عمره طويلا: ماشي انا هقعد مع حور ولو وافقت هنكتب بعد بكرة بس يا سيف معاك سنة ماتجيش تقولي اتجوز وفرح وبنتي في بيتي عايز تخرج اعرف فين ولامتى هتستحمل يا سيف
وقف سيف بثقة: هستحمل بس تبقي معايا ولي

حور: يا بابي احنا هنا بنتعامل معاكي بكل حنية بنتعامل معاكي علي انك طفلة فأنتي من دلوقتي هتتعاملي ككبيرة
حاضر بس مش هغلط
قالت هذا وهي علي مشارف البكاء
احتضنها والدها
لا ماتعيطيش يا روحي انا بتكلم معاكي بصراحة سيف هيعاملك زي ما انا بعامل مامتك لازم تتعاملي معاه بكل أدب وذوق وما تغلطيش بيتكم ليه اسراره ماحدش يعرفها ابدا وتحلوا مشاكلكم مع بعض

حور بإذعان وافقت
ضحك عادل على ملامحها
ايه يا روحي انا بتكلم معاكي بس سواء سيف او غير سيف
نظرت له بتعجب: يعني ايه غير سيف!
عادل: يعني انا بتكلم عموما
اجابت بسرعة: ايوة يا بابي انا بحبه
نظر لها بدهشة: ازاي بتحبيه
اجابت بدون تفكير: بحبه زيك وزي مامي
ابتسم عادل فكم عدد المرات التي يبتسم وهو يحادث تلك البريئة
طيب يا روحي سيف جدع وراجل وهيصونك هو عايز يكتب الكتاب عليكي علشان تعرفوا تتكلموا وتتعاملوا بحرية ايه رأيك
حور بهدوء: انا موافقة
ابتسم على براءتها
حور: بس انت قولتلي ما اتكسفش منك ابدا واتكلم معاك في كل حاجة
تنهد عادل: اه يا حور ربنا يقدر سيف على براءتك
احتضنت والدها: بس انا مش هبعد انا بحبك خالص
ابتسم عادل لها بحنان وهو يخرجها من حضنه: طيب يلا يا بكاشة وانتي طالعة ابعتي لي سيف
حاضر

خرجت من الغرفة ووجدت سيف بالحديقة يتحدث بالهاتف اقتربت منه
سيف: مبروك يا حاتم فرحت لك جدا
قاطع حديثه نداؤها: سيف
نظر لها وابتسم واغلق الهاتف وتوجه نحوها
ايوة يا حور
حور: بابي عايزك في المكتب
سيف: طب عايزني ليه
هزت اكتافها: ماعرفش
ذهبت من امامه وصعدت للأعلى
دعا: ربنا يقدرني عليكي يا حور

بعد مرور اسبوع – كتب الكتاب

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى