استيقظت حور من نومها على أصوات عصافيرها الجميلة
اعتدلت وأخذت تفرك عينيها كالأطفال الصغار في حجرتها الوردية ذات الشرفة المليئة بالورود الجميلة
خرجت من الفراش وأخذت تكلم عصافيرها ببهجة تسعد القلب
حور: صباح الخير يا حلوين كل هذا وهي تضع لهم الطعام انهردا يوم غريب اه والله مش عارفة مامي بتقول ان في ضيوف جايين عندنا ورفعت يديها تدعي يا رب يكونوا حلوين واتكلم معاهم كده زيكم عارفين اول مرة ييجي عندنا ضيوف
قاطعها صوت والدتها تطرق الباب
تركت حور العصافير واندفعت نحو والدتها تحتضنها
حور: صباح الخير يا مامي
ألفت: صباح الخير يا روح مامي يلا ادخلي خدي شاور جميل زيك كده بسرعة علشان نفطر علشان بابا يلحق يستقبل الضيوف
حور: انا مبسوطة أووووي يا مامي اخيرا في ناس هتيجي عندنا واقعد معاهم واتكلم كده وكمان نلعب
وأخذت تدور حول نفسها وتضحك
ابتسمت ألفت: ربنا يبسطك كمان وكمان يلا بسرعة
تنزل ألفت على السلم الطويل
سلم القصر انه قصر جميل واسع جدا محاط بسور عالي بوابته حديدية عالية أيضا عليه حرس كثير لكنهم يحرسون مداخل ومنافذ القصر بينما داخل القصر هناك جنينة واسعة مليئة بالألعاب يوجد بها مرجيحة جميلة وسط الأزهار الزاهية بجانبها وسادات عالية وشجرة توت جميلة هذا هو مكان حور المفضل تجلس تلعب تقرأ
على يمين القصر توجد مزرعة خيول عربية أصيلة
حور: مامي الحصان دا جميل خالص انا عاوزة اركب عليه زيك
حملت ألفت حور محاولة اقناعها لما تكبري حبيبة مامي هعلمك ازاي تركبيه
عبست حور: مامي انا زعلانة منك
فإذا بوالدها عادل يأتي من الخلف ويحملها: حبيبة بابي زعلانة ليه
ههه بس يا بابي بقى انت كل مرة تخضني
ضحك عادل عليها
عادل: ماشي يا حور وانا الي كنت هركبك الحصان
لمعت عينيها بشده
حور: بابي هتركبني الحصان صح يلا بسرعة اجري بيا احسن مامي تزعق يلا عند الحصان
اخذ عادل وألفت يضحكان على طفلتهما الجميلة
عادل: طب ايه رأيك نستأذن من مامي
حور بعبوس: مامي مش موافقة
ثم رفعت يديها لألفت لتحملها فحملتها ألفت وهي تكتم ضحكتها
حور: مامي بابي هيركبني الحصان بليز وافقي بقي ثم سكتت لبرهة وأكملت هاتي بوسة عشان توافقي بسرعة
ضحكت ألفت: عادل خد بالك منها دي لسه صغيرة
حملها عادل وقبل ألفت من وجنتها وابتسم
بينما داخل القصر هناك صالة كبيرة بأثاث راقي وأيضا مطبخ كبير في منتصفه طاولة كبيرة بينما يوجد حجرة سفرة كبيرة وايضا حجرة معيشة وحجرة مكتب لعادل اما بالطابق الأعلى يوجد العديد من الغرف الواسعة الجميلة وايضا جناح ألفت وعادل وجناح حور الجميل
وصلت ألفت لحجرة المكتب فطرقت على الباب ودخلت لتجد عادل مشغول بأحد الصفقات المهمة
ألفت: حبيبي سرحان في ايه مش يلا بقى
عادل: هكون سرحان في مين غير فيكي
لتبتسم ألفت بينما يدها تعبث بأزرار قميصه
ألفت: ماشي هصدقك يا روح ألفت يلا بقى علشان تلحق تفطر وتجيب الضيوف
عادل: ربنا يستر دي اول مرة مش عارف حور هتعمل ايه
خرجت ألفت من حضنه ووضعت يدها على وجنته: حبيبي ماتشيلش هم حور كبيرة عندها 23 سنة
قبل عادل يدها التي على خده وتركها ووقف أمام النافذة ووضع يديه في جيوبه واعطاها ظهره وتنهد بتعب انتي عارفة ان سنها دا ولا حاجة حور دي طفلة عالمها احنا وبس ما تعرفش حاجة عن الي بره
اقتربت ألفت منه وادارته لها: حبيبي حور طيبة وقلبها ابيض وبتحبنا
اسكتها عادل بأن نظر في عينيها وقال: تفتكري احنا كده ظلمناها
ألفت: لا يا حبيبي دي بنتنا وإحنا بنخاف عليها ومعملناش حاجة غلط
ارادت ألفت تغيير الموضوع يلا بقى يا روحي نفطر
علم عادل ما تحاول فعله وأراد مجاراتها
خرجا معا حتى وصلا إلى حجرة السفرة فوجدا حور تنتظرهما
حور: اتأخرتوا كتير على فكرة
عادل وهو ينظر لها: حور كل مرة تقولي آخر مرة
عادل: والله مش بإيدي مامتك هي الي مأخرانا ونظر لألفت وغمز لها
سعلت ألفت: معلش يا روح مامي كنا بنتكلم شوية
حور: خلاص اخر مرة
ضحكوا وتناولوا افطارهم
اتجهت حور إلى عادل وهو يخرج لاستقبال ضيوفه
حور: بابي آجي معاك
قبل جبينها: لا يا حور يلا اطلعي لمامي على ما الضيوف تدخل
عبست حور: حاضر وصعدت لوالدتها
بينما اتجه لضيوفه وادخلهم الصالة الواسعة التي تقع أمام السلم
عادل: فردوس الخادمة لو سمحتي نادي على الهانم هي وحور
فردوس: أمرك يا باشا
اتجهت الخادمة إلى الأعلى طرقت باب جناح ألفت فتحت لها حور بسرعة
حور بلهفة: فيفي الضيوف وصلت
فردوس: ايوة وصلوا والباشا بيقول انزلوا
لم تمهلها حور فرصة لتكمل كلامها بينما اسرعت إلى السلم وتنادي عليها فردوس لكنها لا ترد عليها
خرجت ألفت من حجرة الملابس في ايه يا فردوس
فردوس: الضيوف وصلوا والباشا بينادي عليكم
ألفت: حاضر امال فين حور
ضحكت فردوس: لسه ما كملتش كلامي لقيتها جريت على تحت
ألفت: يا الله ربنا يستر يلا بينا بقى
حور على الدرج الطويل حتى وصلت للمنتصف بفستانها الزهري الجميل وشعرها الأحمر الحريري خلفها
حور: بابي انا اهو فين الضيوف بقى
كان الضيوف بالأسفل يتحدثون كانوا ثلاثة صديق عادل وهو رأفت وزوجته منى وابنه
استمعوا لها تنادي على والدها فتوجهت انظارهم إلى السلم
فما كان من رأفت ومني إلا أن يضحكوا ويقولوا بسم الله ماشاء الله انبهارا بجمالها
بينما الابن في البداية نظر نظرة عابرة وأدار وجهه ومن ثم اداره مرة أخرى
وصلت لاخر الدرج فأمسك والدها يدها
عادل: دي حور حور سلمي على انكل وطنط
تركت حور يد عادل وسلمت على رأفت وسلمت على منى فاحتضنتها منى
منى: ما شاء الله ربنا يحفظك
خرجت حور من حضنها وابتسمت لها
حور: شكرا
وتركتهم ووقفت بجانب والدها
بينما اندهش كل من رأفت ومني من عدم سلامها على ابنهم
رأفت: ايه يا حور ماسلمتيش ليه على ابني
أمسكت حور يد والدها ونظرت لرأفت ببراءة
حور: بابي ما قليش يا انكل
اندهش رأفت ومني هما يعرفان خوف والديها عليها ولكن ليس لهذه الدرجة
رأفت: خلاص يا حور هو الي يسلم عليكي
الابن آفاق من سرحانه: طبعا هسلم
قام من مجلسه وتقدم منها ومد لها يده ليسلم عليها
نظرت لوالدها فأومأ لها برأسه فمدت يدها له ووضعتها بيده
رأفت: ايه مش هتعرفها بنفسك ولا ايه
لم يحد بنظره عن عينيها وقال وهو مازال ممسك بيدها: انا سيف
حور: وانا حور
وتركت يده سريعا وأمسكت يد والدها
