توجها ناحيته: حور مالها يا سيف
رفع نظره اليهم بكل ألم اسنده اخاه والحرس واجلسوه علي الكرسي
جاء احد الرجال بالتلفون لم يستطع سيف حمله ففتح الاسبيكر
يحيى: سيف ما تقلقش كله تمام
حور فين يا يحيى
موجودة معايا
ادي اوامر الكل ينسحب وتعالي علي البيت بحور
مالك يا سيف صوتك تعبان
هنقلق انا وهي لو ما كناش جنب بعض
سيف اهدا انا جي حالا بس هي مغمي عليها
بكل لهفة: بسرعة يا يحيى
اخذ الحرس التليفون دقيقتان واختفوا ولم يكن لهم وجود كأنهم لم يظهروا
دقائق اخرى وسمعوا صوت احتكاك سيارة ويدخل شاب طويل عريض المنكبين حاملا حور متجها نحو سيف فقط
وضعها علي رجليه ووقف بجانبه
ما ان اعطاها له حتي هدأت دقات قلبه وذهبت علامات الالم
س سيف
اهدي يا حبيبتي يا روح سيف
قلبي
خلاص هدي الوجع راح من عندي ومن عندك
كل هذا وهي تغمض عينيها احتضنها
جلس والديها اخيرا هي هنا لا يوجد عليها خطر جلسا بكل تعب
وضع يحيى كفه على كتف سيف: سيف سيبها هي محتاجة دكتور
نظر له: ريم تعالي شوفيها مالها
سيف طلعها الاوضة علشان اعرف اكشف عليها وترتاح
حاضر
قام سيف وهي داخل حضنه وصعد بها الي الاعلى وذهبت معه ريم وكشفت عليها انه هبوط واعطتها دواء ستنام وستفيق في الصباح
نزل سيف وريم استعاد سيف هيبته مرة اخرى: شكرا يا يحيى
واجبي يا سيف هتتكلم علشان افهم: تمام
الجميع في حالة ذهول
رأفت: ممكن اعرف الي حصل دا ايه
جلس سيف بوهن: دا نظام امني انا حاطه يا بابا مش مهم تفاصيله بس لو في حاجة حصلت لازم كلنا نكون في امان
وبنتي دخلها ايه يا سيف
انا قلت لحور الصبح علي تفاصيله وسيبتها ونزلت من المكتب ماعرفش انها هتفعله بسرعة كده
ايه الي حصل يخلي بنتي تعمل كده
حاجة بيني وبين مراتي يا عمي
مراتك دي بنتي يوم ما جوزتهالك قلت لك دمعة ماتنزلش
مافيش حاجة حصلت لما كنت هتعصب نزلت وسيبتها ولما هديت رجعت ومالقيتهاش
لا كانت موجودة بس في مكان مايخطرش علي بال حد
اهدا يا عمي
بعد اذنكم عمي انهردا هنام جنب مراتي ودا طبعا اذنك علشان قلوبنا تهدا
لم يرد عليه عادل
صعد سيف الي داخل غرفته اخذ حمام دافئ وذهب الي حور
هدي يا ألفت هي كويسة اه احسن يجرالك حاجة
مانت هتروح مني يا منى
والحمدلله اه نايمة بكل سلام دا سيف يفديها بعمره
رتب صديق عمره على كتفه
حاتم يمسك يد جوي وينظر لحور
دخل سيف وعلامات التعب بادية علي وجهه: حبيبي انت كويس
الحمدلله يا ماما
يلا يا جماعة خليهم يرتاحوا شوية
خرج الجميع
تمدد جوارها واخذها في حضنه اخذ يرسم ملامحها بيده اخذ يبكي ويكلمها
ليه كده قلبي كان هيقف حرام عليكي حور اوعي تعملي كدا تاني انتي نبض قلبي انا اسف اني سبتك بس لو كنت فضلت كنت خوفتك زيادة
بالخارج كان عادل وألفت عادا حتى يكونوا معها لم يستطيعا تركها سمعا كل كلامه وبكائه اخذها عادل من يدها وذهبا لغرفتهم
نائمان يحتضنان بعضهما
بنتي كانت هتروح
الحمدلله رجعت واهي معانا
سيف بيحبها اوي والرابط الي بينهم غريب
تصدقي الصبح كنت هاخدها وامشي واقوله مالكش بنات عندي بس لما سمعته ولقيته بيبكي مش هقدر اعمل كده الراجل لما بيبكي علي حبيبته يا ألفت دا يبقي بيعشقها
جبروت ايه بس يا عادل دا بيعاملها زي البسكوتة
انتي ماشوفتيش سيف غير هنا انما سيف بره شخصية قوية قليلة عليه سيف في السوق اسمه الصقر واكتر حاجة تأكد شوفتي التدابير الأمنية الي بنتك فعلتها فريق دخل وفي ثانية اختفى
انت كده بتخوفني عليها
ماتخافيش سيف بيعشقها وبكرة نفهم
انت ليه هادي كده في ايه يا عادل
شوية انا شفت نفسي في سيف نفس الكسرة الي كانت في عينه كانت في عيني لما راح النظرة دي مش بتبقي الا للابن وطالما حبه لحور وصل للدرجة دي ماتخافيش عليها
يا رب يكون عندك حق عندي يلا نامي شوية بس يلا يا حبيبتي
حاضر اول مرة اشوف سيف كده
بيعشق يا منى بس في بينهم حاجة غريبة
قلوبهم شكلها متوصلة ببعض ربنا يكرمهم
