أنا عايزها تبقي مراتي حكايات ملك ابراهيم2

لم ينم سيف الا بضع ساعات قليلة فقط وافاق واخذ يتأملها اخذت تخرج بعض الهمهمات التي تدل على انها ستستيقظ ما ان فتحت عينيها ورأته حتي انتفضت مذعورة

مالك يا حبيبتي

لا لا ابعد انت هتزعقلي

لا يا حبيبتي مستحيل ازعقلك

لا ما تقربش اصبحت تبكي وتتكلم بتوتر

خلاص انا في مكاني مش هقرب اهدي بس ونتكلم

انت انت خوفتني وكنت متضايق وضربت الحيطة وكنت هتزعقلي

لا لا يا حور انا اتعصبت وخرجت علشان ما ازعلكيش يا روحي خرجت علشان ما اتعصبش عليكي بس دي كل الحكاية

وليه ليه تتعصب

انا كان معايا ناس في المكتب وانتي خرجتي بشكلك الجميل وبصولك وزي ما قلبك حس بغيرة لما كلمت حد قلبي حس بغيرة اكتر لما شافوكي وانتي لسه صاحية من النوم وانتي جميلة قوي

بس انا خايفة منك

ما تخافيش انتي ليه دخلتي الاسانسير سمعتي حاجة بره

لا دخلت علشان ماتزعلش مني بابي عمره ما زعقلي

اهتز كيانه عندما قالت هذا انها خائفة منه يا الهي ماذا يفعل

طيب يا حور ماتخافيش مني انتي عايزة ايه وانا اعمله

عايزة ارجع بيتنا

عايزة تبعدي عني

عايزة اروح واخذت تبكي

خلاص اهدي هتروحي حاضر بس ممكن احضنك مرة قبل ما تمشي

اخذت تنظر له بعيون باكية

اقترب منها ببطء ادخلها في حضنه وكاد ان يضمها بقوة ابعدها عنه وقبل جبينها ببطء وابتعد عنها ومسح دمعة فرت من عينيه

اجهزي علشان هتمشي دلوقتي

وتركها وغادر

تركها وذهب لغرفة عادل وطرق الباب فتح عادل ومازالت اثار النوم علي وجهه: في ايه يا سيف حور مالها

ماعلش يا عمي اجهزوا علشان حور عايزة تروح دلوقتي

مالها بنتي

مافيش حاجة يا عمي والله بس اجهزوا دلوقتي علشان تروح

وانت هتسيبها تمشي

لو راحتها في بعدها عني شوية هسيبها

ماشي يا سيف

طرق باب غرفة ريم: ماعلش يا ريم اجهزي بسرعة علشان تمشي مع حور

تركهم ونزل الي الاسفل

اتصل بيحيى: طالما ظهرت خلاص ادي مهمتك لحد من الرجالة وتيجيلي البيت بعربيتين واحدة فاضية واحدة جواها رجالة من دلوقتي انت مسئول قدامي عن سلامة حور جهز نفسك لانك مسافر دلوقتي

صف ساعة فقط والان الساعة السادسة صباحا كانت حور وريم ووالديها ركبوا السيارة مع يحيى وخلفهم سيارة دفع رباعي وهي لم تشاهد سيف مرة اخري من وداعه لها في الغرفة

يقف في الشرفة ينظر لهم يودع قطعة من روحه

لم ينم مرة اخري ارتدى ثيابه ونزل وجدهم علي السفرة والديه حاتم وزوجته

ما ان رأته امه: تعالي يا حبيبي افطر احنا مارضيناش نصحيكم ولا نصحي عادل علشان تستريحوا شوية

اماء لها من دون حديث: طب هي حور صحيت

حور مشيوا الصبح بدري

يعني ايه مشيوا – بذهول قال هذا رأفت – صحيت وعايزة تروح وتهدي اعصابها شوية

حاتم: وانت وافقت – ايوة

وصل يحيى الي منزل حور او الي القلعة المحصنة ما ان توقفت السيارة حتى هبطت حور وصعدت الي غرفتها ولم تتكلم مع احد

بينما دخل الجميع

فردوس يا فردوس – حمدلله علي السلامة يا باشا

الله يسلمك جهزي اوضة الضيوف ليحيى باشا

ريم عارفة اوضتك – طلعا يا عمو بعد اذنكم

يحيى سيف قالي انك صاحبه الوفي انت هتقعد هنا مش كضيف هتقعد صاحب بيت

يا فندم – فندم ايه بس صاحب يحيى والي عمله مع بنتي يبقى زي ابني قولي يا عمي

ابتسم: تمام يا عمي بعد اذنكم

بنتي تعبانة وزعلانة – ماتقلقيش ان شاء الله خي

طرقت ريم باب غرفة حور: الجميل ماله

لم تجد رد وجدتها نائمة علي السرير في وضع الجنين وتبكي جلست بجوارها واخذت تمسد على ظهرها

بس اهدي انا مش هسألك ايه الي حصل بينك وبين سيف لان دي حاجة خاصة بينكم ومش المفروض حد يعرفها بس الي اقدر اقوله ان سيف امبارح كان تعبان بالمعنى الحرفي وانتي بعيدة وجع قلبه ماهداش غير وانتي في حضنه سيف بيحبك وانتي كمان بتحبيه

جلست حور واحتضنتها ريم واخذت تبكي: زعلني اوي

عادي بتحصل بين كل الاحبة

بس انا مش عارفه اذا كنت بحبه ولا لأ بحس بحاجة حلوة خالص وهو جنبي مش عايزة ابعد عنه

بصي يا حور انتوا دلوقتي متجوزين والحب مش حرام ولاعيب انتي دلوقتي بعيدة عنه تعرفي بقى بتحبيه ولا لأ لو انتي بتفكري فيه على طول عايزة تشوفيه بتحلمي بيه دا حب يا حور

انا عايزاه دلوقتي

طب امسحي دموعك يلا

حاضر – الو ازيك يا سيف – تمام – خد كلم – اعطتها التليفون وخرجت

ازداد نبض كلا منهما لم يسمع الا بكاءها همس بصوت متألم: حور – تعالى

اه انتي جننتيني مرة عايزة تبعدي ومرة تعالى حرام عليكي يا حور قلبي تعبني

وانا كمان قلبي بيوجعني

ابتسم: طب اعمل ايه دلوقتي علشان ترتاحي – تعالى – حاضر يا حور هخلص الشغل وهاجي اخر الاسبوع

اخذت تبكي: لا دا بعد ٥ ايام تعالى دلوقتي بقى

ما تعيطيش بقى انتي اختارتي تروحي اتحملي نتيجة اختيارك

بتعاقبني انت زعقتلي جامد والله

عارف بس انا مش بعاقبك احنا اتجوزنا يا روحي اه بحب براءتك وطفولتك بس في مواقف بينا لازم تتحسب كويس

انت هتسيبني – تنهد: ما اقدرش انتي روحي يا حور – خلاص انا هستناك

مر شهر والامور مازالت كما هي سيف لم يذهب لحور اراد ان تفهم معنى علاقتهم

حور مازالت تنتظره لم تعد تلك الطفلة التي تضحك