
نور تسلملي يادكتور وبعدين قالت دي ماما والدة جوزي بس عندها ربو ومن يومين جالها ازمه وكانت تعبانه قوي واليوم بردو تعبانه وكنت عاوزه حضرتك تشوفها
محسن. ببتسامه اهلا بيكي يا حجه انتي علي راسنا وبعدين قالها اتفضلي معايا
تحت عند عاصم ويوسف
عاصم. ليوسف قال انت محدش علمك الادب وازاي تتكلم مع واحده متجوزه
يوسف. اييبه
عاصم. ايه مسمعتش كلامي اياك
يوسف. كمان صعيدي
عاصم. بعصبيه تعامل معه بقسوة وقاله ومالو الصعيدي ياروح امك
يوسف. انت اتجننت انته متعرفش انا مين ولا ايه
عاصم. لا عارف حتة عيل ميسواش فرده جزمه ومحدش علمه الادب وانا بقا اللي هربيك علشان ترجع لامك وتقولها انا اتربيت وانتي معرفتيش تربيني
يوسف. احترم نفسك
عاصم. مره تانيه تعامل معه بقسوة
يوسف. قرب منه وقاله قسما بالله لوريك اللي عمرك ما شوفته ف حياتك
عاصم. بحده قاله لو بس فكرت مجرد التفكير انك تبص ل نور تاني مش هقولك هقلع عينك لا دا انا هقطع رقبتك
يوسف. هنشوف مين فينا اللي هيقطع رقبة التاني وبعدين انت مين يعني علشان تتكلم عليها اصلا
عاصم. انا عاصم الزيني جوزها
يوسف. ايييه
عاصم. اسم الله عليك من الخضه يا عنيا
يوسف. ااا بس نور مش متجوزه
عاصم. متنطقش اسمها تاني فااهم وقرب منه
يوسف. بخوف بعد عنه وقاله هنتقابل بس هخليك تركع تحت رجلي والشويه اللي انته شايف نفسك بيهم دول هطيرهملك ف الهوا
عاصم. وانا مستني يا حيلتها وسابه ودخل المشفي واتصل علي نور علشان يعرف هي فين
نور. شافت فونها وقالت اسفه يادكتور محسن هرد بس علي جوزي علشان هو موجود هنا وعاوز يعرف احنا فين
محسن. تمام اتفضلي يادكتوره
نور. فتحت الفون وقالت ايوا ياعاصم
عاصم. نور انتي فين بالظبط
نور انا فالدور الرابع خامس اوضه عاليمين بس تطلع هتلاقيني مستنياك
عاصم. تمام وقفل وبس ثواني كان فوق
نور كانت واقفه برا غرفة الكشف وقالت عاصم
عاصم. اومئ لها وراح عليها
نور بصتله وعاوزه تسئله عمل ايه مع يوسف بس خايفه وبعدين قالت تعالي ماما جوا مع د محسن ودخلو
محسن. بس شاف عاصم قام وقف وقال اهلا عاصم باشا
عاصم. ببتسامه اهلا د محسن ليك وحشه والله
محسن. والله انت اكتر اتفضل
نور. استغربت وقالت انتو تعرفو بعض
محسن. ايوا طبعا عاصم باشا الزيني اشهر من النار علي العلم
عاصم. تسلم يادكتور
محسن. بص ل نور وعاوز يفهم اللي ف دماغه صح ولا
نور. ابتسمت وقالت عاصم الزيني جوزي يادكتور
محسن. دا بجد الف الف مبروك ليكم انتو الاتنين
عاصم ونور. الله يبارك فيك يادكتور
محسن. الحجه طبعا ولدتك يا بشمهندس
عاصم. ايوا يادكتور طمني عنها انا بصراحه كنت عاوز اجيلك العياده بس نور قالت انها حابه تيجي هنا
محسن. نور دي بنتي ربنا يحفظها وبعدين قال والحجه زي الفل بس انا عاوزها معانا هنا يومين كدا
عاصم. بخضه ليه يادكتور
محسن. متقلقش يا بشمهندس دا بس علشان نتطمن عليها ونعملها شويه فحوصات وكمان نظبط التنفس عندها علشان الرئه لاني زي مسمعت انها جالها ازمه وانا شايف انها تقعد معنا يومين مش كتير واهو تنورونا
عاصم. تمام يادكتو اللي تشوفه
محسن. قال نور خدي مامتك وروحو قسم الاشعه وجهزيها وانا بنفسي اللي هعملها الاشعه
نور. حاضر يادكتور وخرجت
عاصم. خير يادكتور
محسن. بصراحه الرئه عند الحجه تعبانه جدا وانا شاكك انها ممكن يكون عندها تليف
عاصم. زعل وقال طيب والعمل لو
محسن. قاطعھ وقال متقلقش خير باذن الله
عاصم. اتنهد وقال يارب
نور. راجت وجهزت امها للاشعه وبعدين قالتلها لحظه بس يا ماما اغير واجي علشان اكون معاكي
ثريا. خدي راحتك يا بتي
نور. قالت رحمه خلي بالك من ماما انا دقيقتين وجايه
رحمه. حاضر
نور. خرجت وبعد دقائق جهزت وراحت عند حماتها وعاصم والدكتور محسن وصلو عندها
عاصم. بصلها وهي لابسه البالطو واعجب بيها بس زعلان علشان امه
نور. راحت عليه وقالت متقلقش ماما بخير الحمد لله
عاصم. الحمد لله علي كل حال
محسن. دخل وقال تعالي يانور وفعلا دخلو وبعد الاشعه خرجو ومحسن طمنهم
نور. كانت زعلانه علي امها لانها فعلا تعبانه والرئه عندها مش كويسه
عاصم. بصلها
نور. اخدت امه وراحت تلبسها هدومها تاني
د محسن. قاله اهدي يا عاصم باشا الحجه كويسه هي بس مع المحافظه والعلاج هتكون بخير وزي ما قولتلك هنخليها هنا يومين اهم حاجه لازم تبعد عن الانفعال
عاصم. متقلقش يادكتور
نور. رجعت واخدت الروشته اللي الدكتور كتبها وراحت قالت رحمه تعالي افتحي اوضه وتكون بحري علشان ماما وخلي حد يغير الفرش ويحط جديد
رحمه. حاضر يادكتوره
عاصم. قال نور انا ممكن اوديها مستشفي تاني
نور. صدقني هنا كويس واهو زي ما شوفت د كتور محسن مقصرش وكمان انا هنا هكون معها وانته روج شغلك وتعالي ومتخافش علي ماما دي ف عنيا
عاصم. متشكر قوي يا نور
نور. عيب يا عاصم باشا دي امي
عاصم. ابتسملها بحزن
ثريا. روح ياولدي شوف شغلك ومتخافش عليا وبصت ل نور
عاصم. باس ايدها وطبطب عليها
نور. اخدت امه ودخلتها الاوضه بتاعتها ونيمتها عالسرير وبعدين قالت رحمه خلي حد بنزل يجيب العلاج دا
رحمه. حاضر يادكتوره وخرجت
عاصم. انا كنت هنزل اجيبه
نور. عادي يابشمهندس احنا نطول نخدم ام عاصم وباستها
ثريا. ربنا يباركلك يابتي ويرزجك بالذريه الصالحه ويكونو باربن بيكي وب ابوهم
عاصم. امين يارب وبعد شويه الباب خبط
رحمه. دخلت وقالت العلاج يادكتوره
نور. تسلمي يارحمه واخدتته منها
رحمه. قالت انا هعلق للحجه السيروم
نور لا متشكره يارحمه انا هعمل ل ماما كل حاجه
ثريا. بصت ل رحمه وقالتلها ربنا يباركلك يا بتي
عاصم. طلع من جيبه فلوس علشان يدهالها
رحمه. قالت لا والله دي دكتوره نور خيرها عالكل واحنا كلنا نتمني نخدمها ونرد جزء من جمايلها
عاصم. صمم انها تاخدهم وبعدين بص ل نور واعجب بيها وان الكل بيحبها بس اتعصب ف نفسه لما عرف ان يوسف بيحبها ودا كان واضح من كلامه معاه
نور. كدا تمام يا ست الكل
ثريا. تسلمي يابتيي
غاده. خبطت ودخلت وقالت الف سلامه عليكي ياطنط
ثريا. تسلمي يابتي
غاده. نور معلش تعالي علشان دكتور رافت عاوزك وكمان تشوفي حالاتك انتي غايبه بقالك فتره وكمان الامتحان
نور قالتلها حاضر وبصت ل عاصم
عاصم. روحي بانور شوفي شغلك
نور. ماما حبيبتي انا بس اخلص باجي علطول وكمان هبعتلك رحمه الممرضه هتكون معاكي علشان لما المحلول يخلص
ثريا. روحي يابتي



