رواية وآه من التار الجزء الأول بقلم نور عصام
نور بغضب قالت مستحيل يا بابا اتجوزه ولا اصلا اتجوز بالطريقه دي حرام كدا
عامر.. نور اهدي لان الأول الجوازه دي هتم
نور بعصبيه.. وانا قولت لا يا بابا
عامر.. انتي اتجننتي بتعلي صوتك عليا وكمان بتعصي كلامي
نور.. اسفه يا بابا بس كمان انا من حقي اوافق او ارفض
عامر.. نور الجوازه دي لازم تتم علشان خاطرنا كلنا وخصوصا اخوكي وخلاص عمك اتفق مع الناس والموضوع منتهي
نور.. لا يا بابا منتهاش انا قولت مش هتجوزه يعني مش هتجوزه انا مش عبده عندكم علشان تعملو فيا كدا
عامر.. جوازك من ابن الزيني لازم يتم لوقف بحر المشاكل يا نور فاهمه ولا عاوزه اخوكي يتعرض للأذى في الخلاف زي ولاد عمك
نور.. واشمعني انا اللي تضحو بيا ما عمي يجوز واحده من بناته مهو عنده اتنين
عامر.. بجوز مين هنا اللي عندها 13 سنه ولا رغده اللي عندها 15 سنه للاسف انتي الكبيره
نور.. لا يا بابا مش هيحصل ابدا
عامر.. انا مش باخد رأيك يا نور انا بعرفك علشان تجهزي فخلاص نص ساعه تكوني جاهزه
نور.. حرام عليك يا بابا يعني ترضالي اتجوز واحد صعيدي كمان جاهل ومش متعلم وانا دكتوره
عامر.. نور بحر المشاكل الي بين العيلتين مش هينتهي إلا بالنسب بينا وكمان احفاد
نور.. كمان احفاااد
عامر.. ايوا وبكدا العيلتين هيكون في رابط قوي بينهم وينتهي الخلاف وبحر المشاكل اللي موجود من سنين ونعيش كلنا مرتاحين
نور.. اها وانا بقا البقرة اللي لازم تضحو بيها
عامر.. عاوزه اخوكي يموت زي ولاد عمك التلاته ما راحو في الخلاف للاسف هو اللي الدور عليه لان حسن ومحمد ولاد عمك لسه صغيرين وعمرهم 12سنه لكن اخوكي ما شاء الله مهندس وللاسف الخلاف دايما ياخد الشاب الزين اللي يحرق قلب العيله وبصلها بضعف وقالها دايما الغضب والعصبيه في الخلاف يستنو الولد يكبر ويبقي شاب وعريس بمعني اصح وياخده الخلاف ويحرق كل القلوب وحرقته ملهاش اخر
نور بدموع.. وانا مالي بدا كله وكمان حضرتك يا بابا عمرك ماقتلت حد ولا كنا عايشين هنا احنا طول عمرنا ف القاهره تعالي نرجع ونبعد عن كل الوش دا
عامر.. للاسف مش هينفع وبعدين مسألتيش نفسك انا مشيت وسبت بلدي واتخليت عن لهجتي الصعيدي ليه مهو بردو بسبب الخلاف ونهاية الموضوع يانور انتي لازم تتجوزي منهم
نور.. حرام عليكم ليه كدا ليه ترموني الرميه دي ليه تعيشوني مع ناس اغراب معرفهمش
عامر بص لبنته وقالها.. جهزي نفسك
وبص لامها وقالها.. عقلي بنتك يا ساميه وساپهم وخرج
نور عيطت بصوت عالي
ساميه امها اخدتها فحضنها وقالت.. خلاص يا قلبي اهدي ياريت كان بايدي حاجه اعملها بس اهو انتي شايفه امر واقع واتفرض علينا وطبطبت عليها
نور.. مش هقدر يا ماما ارجوكي متتخليش عني وكلمي بابا تاني انا مش هقدر اعيش هنا
ساميه.. حبيبتي معتش ينفع علشان خاطرنا كلنا ودموعها نزلت وقالت علشان خاطر اخوكي حبيبتي لو متجوزتيش ابنهم اخوكي هيموت وبصتلها ودموعها نزلت وقالت عاوزه اخوكي يموت ومستغنيه عنه يا نور اخوكي حبيبك
نور بغضب قالت.. اااه حرام عليكم انتو بتعملو فيا كدا ليه حرام ااه
ساميه شددت من احتضانها هي عرفه ان بنتها بتعاني وخصوصا انها متعرفش العادات والتقاليد فالصعيد
نور. ماما انا لازم اهرب من هنا واللي يحصل يحصل
ساميه بشهقه.. اهدي يابنتي اوعي تقولي كدا تاني لو حد سمعك هيموتوكي فاهمه
نور. ياريت اموت وارتاح
ساميه. حبيبتي اهدي واسمعيني ومسكت ايدها وقالت انا معنديش اغلي منك ومن اخوكي وبابا كمان بيحبكم جدا وعلشان كدا احنا سيبنا الصعيد وهربنا علي مصر من وانتو اطفال اخوكي كان طفل عمره اربع سنين وانتي كنت انا لسه حامل فيكي والتار يا بنتي مخلاش ف العيلتين حد وشباب كتير ماتو من العيلتين اعمامك الاربعه ماتو ف الخلاف وقتها وجدك هو اللي قال لابوكي ياخدنا ونبعد عن البلد وفعلا مشينا بس للاسف العصبيه والغضب لسه معشش ف قلوبهم وولاد عمك التلاته كانو ضحيه الخلاف هما كمان واعتقد انتي عرفه كدا وشوفتي ولاد عمك كانو شباب فعزهم ولو الجوازه دي متمتش اخوكي هيحصلهم وكمان ولاد عمك بس يكبرو وبردو شباب عيلة الزيني لان ابوكي وعمك مستحيل يسكتو
بردو هياخدو تارهم وبحر مشاكل مستحيل ينتهي
وبصتلها وعيونه مليئه بالدموع وفقمة ضعفها قالت.. وافقي يا نور وافقو علشان خاطرنا كلنا وافقو علشان اخوكي يانور
احمد خبط ودخل وبحزن قال.. ماما جهزي نور علشان العريس وعيلته تحت وتم كتب الكتاب
ساميه.. يعني ضرب النار اللي سمعناه دا علشان كتبو الكتاب
احمد.. ايوا يا ماما وكان مقهور علي اخته
نور بتعيط احمد راح عليها وحضنها وقالها.. حبيبتي اهدي انا اسف معرفتش اعمل حاجه وضمها قوي لحضنه وقالها والله عندي اموت ولا اني اشوفك كدا ولا مغصوبه علي حد ودموعه نزلت علي زعل اخته وآه من التار
نور بدموع بصت لاخوها وطبعا مش هاين عليها ضمته اكتر لحضنها وعيطت احمد.. اهدي يا قلبي اهدي
ساميه.. احمد انت شوفت العريس
احمد.. ايوا يا ماما
ساميه.. شكله ايه حلو كدا ولا صعيدي بقا ومتعجرف
احمد لسه هيرد نور بصت لأخوها وقالت.. هاتي الفستان يا ماما علشان البس
احمد قالها.. تمام اجهزي وشويه بابا بيطلع ياخدك وخرج
ساميه.. ايوا كدا يا حبيبتي استهدي بالله
نور في نفسها انتو ضحيتو بيا وظلمتوني بسبب العادات والتقاليد وظلمتوني باسم التار وانا لازم انتقم منكم كلكم
ساميه.. يلا يا حبيبتي
