بنتي

ظهرت ست غريبة عند قبرها وقالتلي:— أنا وعدت بنتك بوعد… والوقت جه عشان تعرفي الحقيقة. لما بنتي سارة قالتلي إنها حامل، كانت لسه بالعافية كملت 18 سنة. فاكرة اليوم ده كويس جدًا. فضلت أسألها عن أبو الطفل مرات أكتر من اللي أقدر أعدها. كنت بقولها:— يا سارة، مين أبوه؟ مين الشخص اللي عمل فيكي كده؟ قوليلي بس اسمه. لكن في كل مرة كانت بترد عليا بنفس الإجابة:— يا ماما، أرجوكي… أنا أقدر أتعامل مع الموضوع ده لوحدي. ماكنتش راضية تقول اسمه. ولا حتى كانت راضية تقولي إذا كان هو أصلًا يعرف إنها حامل ولا لأ. حاولت معاها بكل الطرق. مرة بهدوء، ومرة وأنا بعيط، ومرة وأنا متعصبة وخايفة عليها. لكن سارة كانت مصممة على السكوت. ومهما سألتها، ماكنتش باخد منها أي إجابة. لحد ما جه اليوم اللي حفيدي اتولد فيه… واليوم ده غيّر حياتي كلها. حصلت مضاعفات خطيرة أثناء الولادة. وأنا كنت قاعدة بره في المستشفى، مستنية أي حد يخرج يطمني عليها. الدقايق كانت بتمر كأنها ساعات. وفجأة، خرج دكتور من عندها. من أول ما شفت وشه، قلبي وقع. قرب مني وقال بصوت هادي:— أنا آسف جدًا… إحنا عملنا كل اللي نقدر عليه. بصيتله وأنا مش قادرة أفهم اللي بيقوله. كل اللي قدرت أنطقه وقتها كان:— والبيبي؟ قاللي:— هو عايش. وسكت لحظة، وبعدين كمل:— لكنه هيحتاجك. بنتي سارة ما رجعتش معايا البيت في اليوم ده. لكن ابنها رجع. ومن اللحظة دي، حياتي كلها اتغيرت. بقيت أنا جدته… وأمه… وأقرب إنسان ليه في الدنيا. وعلى مدار عشر سنين كاملة، كنا أنا وهو لوحدنا. كبر حفيدي آدم قدام عيني. وكان طفل طيب جدًا، فضولي، وقلبه حلو. كان بيعشق لعب الكورة. وكان مستني يوم الأحد كل أسبوع عشان الفطير اللي كنت بعملهوله على الفطار. وكان طول الوقت بيسأل أسئلة. أسئلة عن المدرسة… وعن الحياة… وعن أمه. لكن كان فيه سؤال واحد بالذات بيتكرر كتير، وكل مرة كان بيوجع قلبي بنفس القوة.— يا تيتة… مين كان بابا؟ وكل مرة كنت ببصله ومابعرفش أقول غير نفس الجملة:— معرفش يا حبيبي. ودي كانت الحقيقة. أنا فعلًا ماكنتش أعرف. سارة أخدت السر معاها للقبر. أو على الأقل… ده اللي كنت فاكرة إنه حصل. لحد اليوم اللي كل حاجة اتغيرت فيه. في عصر يوم من الأيام، أنا وآدم رحنا نزور قبر سارة. كنا بنروح لها من وقت للتاني. آدم كان عامل كارت مخصوص لأمه بإيده، وكان ناوي يحطه جنب قبرها. لكن وإحنا واقفين هناك، افتكر إنه سابه في العربية. فقاللي:— استنيني يا تيتة، هروح أجيبه وأرجع بسرعة. ومشي ناحية العربية. فضلت واقفة قدام قبر بنتي لوحدي. لكن بعدها بلحظات، أخدت بالي إن فيه ست واقفة جنب شاهد القبر. ست عمري ما شفتها قبل كده. كانت واقفة ساكتة، وبتبص على اسم سارة. قربت منها شوية وسألتها:— حضرتك كنتي تعرفي بنتي؟ الست لفت ناحيتي. وأول ما شفتني، ملامح وشها اتغيرت فجأة. بصتلي بصدمة، وكأنها عرفت أنا مين من غير ما أقول. وقالت:— إنتِ… مامتها. اتوترت أكتر. وسألتها:— إنتِ مين؟ لكن بدل ما تجاوبني فورًا، بصت ناحية آدم وهو بعيد عند العربية. وبعدين رجعت بصتلي. مدت إيدها جوه شنطتها وهي بتقول:— أنا وعدت بنتك بوعد. قلبي بدأ يدق بسرعة. قالت:— كان المفروض أقولك الحقيقة من سنين. سكتت للحظة. وبعدين قالت بصوت متردد:— لكني ماقدرتش. طلعت من شنطتها ظرف مقفول. ومدتهولي. بصيت للظرف… واتجمدت مكاني. كان مكتوب على الوش اسمي. لكن مش خط الست الغريبة. أنا كنت أعرف الخط ده كويس جدًا. حتى بعد مرور عشر سنين، مستحيل أنساه. كان خط بنتي سارة. إيدي كانت بتترعش لدرجة إني ماكنتش قادرة أمد صوابعي عشان ألمس الورقة، عيني كانت متبتة على الحروف المكتوبة، نفس الطريقة اللي سارة كانت بتلف بيها حرف الراء، ونفس النقطتين الموصولين ببعض، كأن الزمن رجع بيا عشر سنين لورا ووقفت في نفس الأوضة اللي ربتها فيها. رفعت عيني للست الغريبة وأنا بنهج، كان وشها شاحب وعينيها غرقانة بدموع محبوسة بالعافية، شعرها كان فيه خصلات بيضا خفيفة، ولبسها بسيط لكنه مرتب، وفي ملامحها حزن قديم مألوف، حزن شبه الحزن اللي أنا عايشة فيه من يوم ما سارة فارقتني. سألتها وصوتي بيقطع:— الورقة دي جتلك منين؟ وسارة كانت تعرفك منين أصلاً؟ انطقي، إنتِ مين؟ الست بصت ورايا برعب مفاجئ، التفتت لقيت آدم بيقفل باب العربية وماسك الكارت في إيده وبدأ يتمشى نحونا وهو بيدندن ومبسوط، الست رجعت خطوة لورا كأنها شافت طيف مش حقيقي، همست وصوتها بيتهز:— هو ده؟ هو ده ابنها؟ شبهه أوي... واخد نفس ضحكته ونفس حركة مشيته، سبحان الله. مسكتها من دراعها بقوة ماكنتش أعرف إني لسه بملكها، ضغطت على قماش فستانها وقلت بحدة وغضب مكتوم:— شبه مين؟! متجننيش! قوليلي الحقيقة قبل ما الولد يوصل، الولد ده عاش عشر سنين بيسألني عن أبوه وأنا بـ،،مـــ،ـوت قدامه كل يوم لأني مش عارفة أرد، مين أنتي ومين أبو آدم؟ الست نزلت راسها في الأرض، ودموعها نزلت أخيرًا على خدها، قالت بصوت واطي ومخنوع:— اسمي مريم... وسارة مكانتش لوحدها يا أم سارة، سارة كانت بتحمي شخص، شخص كان مستعد يضحي بكل مستقبله عشانها، بس هي اللي رفضت تدمره. — يضحي بمستقبله؟ يعني إيه؟ كان مين ده عشان يخبي نفسه ويسيبها تـ،،مـــ،ـوت لوحدها ويسبلي عيل أربيه من غير أب؟ قربت مريم مني أكتر، وحطت الظرف في إيدي وضغطت على كفي:— ابني... أبو آدم يبقى طارق، ابني أنا. الكلمة نزلت عليا زي الصاعقة، حسيت بركبي بتخوني والأرض كأنها بتميد بيا، طارق؟ مين طارق ده؟ وليه عمري ما سمعت الاسم ده من سارة؟ كملت مريم بكلام سريع متلاحق وهي بتبص على آدم اللي كان خلاص قرب يوصل:— طارق كان زميلها، كانوا بيحبوا بعض حب عيال بريء وطايش، ولما سارة عرفت إنها حامل، طارق جالي، جه ركع تحت رجلي وهو بيعيط وقال إنه هيسيب جامعته وهيتجوزها وهيشتغل أي حاجة عشان يشيل مسؤوليته، لكن أبوه... جوزي الله يرحمه، كان راجل قاسي مبيعرفش الرحمة، كان شايف إن الفضيحة دي هتدمر عيلتنا واسمنا، حبس طارق في البيت، هدده إنه هيحرمه من كل حاجة، والأبشع من كده. .. أبوه راح لسارة بنفسه. شهقت وأنا حاطة إيدي على بؤي، كملت مريم ومرارة الدنيا كلها في صوتها:— راح هددها... قالها لو نطقتي باسم ابني، هبلغ البوليس وألفقلكم مصيبة، وهطردكم من شقتكم، وهخليكي تقضي عمرك في الشارع أنتي وأمك، سارة خافت عليكي، وخافت على مستقبل طارق، ولما طارق حاول يهرب عشان يروحلها، عمل حـــ،،ادصـــ،ـة بالعربية... حـــ،،ادصـــ،ـة قعدته في السرير شهور فاقد الوعي بين الحياة والمو. ت، وفي نفس الأسبوع اللي طارق فاق فيه من الغيبوبة ومش قادر يتحرك، جالنا خبر إن سارة مـــ،،اتـــ،ـت وهي بتولد. آدم كان على بعد خطوات خلاص، صوته كان واضح وهو بينادي:— تيتة! جبت الكارت ورسمت فيه وردة لسارة! مريم مسحت دموعها بسرعة ورجعت لورا وهي بتقول بهمس مرتعش:— سارة كتبتلك الجواب ده وسلمتهولي في المستشفى، دخلت عندها بالسرقة قبل ما تدخل العمليات بساعتين، حلفتني على المصحف ما أفتحه ولا أديهولك إلا لما أتأكد إن حفيدها كبر ومبقاش فيه خطر عليه، وأنا كنت جبانة. .. خوفت من جوزي، وخوفت على ابني، وفضلت ساكتة عشر سنين، الجواب ده فيه كل الحقيقة بخط إيدها، واقريه لوحدك. آدم وصل ووقف بيننا، بص للست الغريبة بعينين بريئة وقال بتعجب:— سلام عليكم... مين دي يا تيتة؟ أنتي كنتي بتعيطي؟ مريم بصت لآدم، وبان في عينيها... الدم جمد في عروقي وأنا بسمع صوته المكسور في السماعة، "تحت البيت؟!" بصيت على شباك الصالة الموارب، وقفت براحة من غير ما أعمل صوت، قربت من الستارة وزحتها بطرف صباعي، شفت نفس العربية السودة الكبيرة راكنة في الضلمة تحت شجرة الكافور القديمة اللي قصاد العمارة، النور الداخلي بتاع العربية كان منور، ومريم كانت قاعدة على كرسي السواق، باصة لفوق ناحية بلكونتي وعينيها مليانة لهفة وخوف. قفلت التليفون في وشه من غير ما أنطق ولا كلمة زيادة، رجعت خطوتين لورا وأنا حاسة إن الهوا في الصالة بقى تقيل وخانق، بصيت لآدم، كان مندمج في التلوين، ماسك القلم الرصاص وبيظلل شمس طالعة بين جبلين، بريء لدرجة تقطع القلب، ميعرفش إن أبوه اللي قعد عشر سنين يدور على طيفه واقف على بعد أمتار منه، متداري في ضلمة الشارع. قربت من آدم، وطيت عليه وبوست راسه بحنية، سألني وهو عينه على الكراسة:— مين اللي كان بيكلمك يا تيتة؟ وشك أصفر أوي. حاولت أبتسم وقولتله بصوت هادي قدر الإمكان:— دي واحدة صاحبتي قديمة يا حبيبي، محتاجة أساعدها في حاجة ضرورية، ادخل أوضتك كمل رسمك، وشغل التلفزيون شوية، أنا هنزل مشوار صغير عند مدخل العمارة ومش هتأخر عليكي، متفتحش الباب لأي مخلوق مهما خبط، فاهم؟بصلي باهتمام، وهز راسه بطاعة:— حاضر يا تيتة، مش هتأخر، صح؟ عشان عايزاكِ تشوفي الرسمة لما تخلص. — مش هتأخر يا روح قلب تيتة. دخل آدم أوضته وقفل الباب وراه، أخدت نفس عميق، حطيت سلسلة سارة اللي فضلت محتفظة بريحتها في جيبي، ولبست طرحتي ونزلت على السلم خطوة خطوة، كل درجة كنت بنزلها كانت بتفكرني بيوم ما سارة نزلت وهي تعبانة وبتتألم وراحت المستشفى ومامشتش معايا بعدها، كنت حاسة إني نازلة أقابل شبح الماضي اللي هربت منه عشر سنين. فتحت باب العمارة الحديد، البرد لسع وشي، أول ما طلعت على الرصيف، باب العربية السودة اتفتح، مريم نزلت بسرعة وجريت نحوي، كان باين عليها الإجهاد والتوتر، وقفت قدامي وعينيها بتترجاني:— شكراً إنك نزلتي... طارق هيموت من القلق جوه، صدقيني هو مظلوم زي بنتك بالظبط. شاورتلها بإيدي تسكت:— متتكلميش أنتي خالص يا مريم، أنتي وجوزك السبب في كل اللي حصل، سكوتك زمان كان شراكة في الجريمة، ابعدي عني دلوقتي. مريم بلعت ريقها ونزلت راسها، رجعت لورا وفتحت الباب الخلفي للعربية، قربت بخطوات بطيئة، ولما وقفت قصاد الباب المفتوح، شفت طارق. الراجل اللي كان في خيالي صورة شاب متمرد وقوي، مكنش موجود، اللي كان قاعد قصادي راجل في أول التلاتينات، بس ملامحه تدي خمسين سنة، دقنه مهملة وشاحب، جسمه هزيل متغطي ببطانية تقيلة على رجليه، عينه كانت حمرا ووارمة من العياط، وأول ما اتقابلت عيني في عينه، كأني شفت نظرة سارة قبل ما تدخل أوضة العمليات، نفس الكسرة، نفس الرجاء. طارق حاول يتحرك، مد إيديه الاتنين اللي كانوا بيترعشوا وسند بيهم على الكرسي كأنه بيحاول يقوم عشان يركع قدامي، بس رجليه خانته ووقع تاني في الكرسي وصدرت منه أنة وجع وذل:— متقفيش بعيد كده يا أمي... تعالي اضربيني، اشتميني، دوسي على رجلي العاجزة دي، بس متحرمنيش إني أشم ريحة سارة اللي سيباهالي في ابنها. سارة كانت لسه فاكراني؟ أنا مسبتهاش بمزاجي والله العظيم ما سبتها! أبويا حبسني، وأنا كنت غبي وضعيف، لما خدت المفاتيح وجريت في المطر كنت رايح آخدها وأمشي، قلتلها في التليفون قبل الحادثة بنص ساعة 'أنا جاي يا سارة، جهزي نفسك، مش هسيب ابننا يتربى من غيري'، بس العربية لفت بيا على الكوبري، صحيت لقيت نفسي متكتف في سراير المستشفيات، مش قادر حتى أحرك صباع رجلي!سألته بصوت متحشرج:— ولما فوقت؟ لما فوقت وعرفت إنها ماتت، ليه مجتليش؟ ليه سيبتني عشر سنين أشيل العيل ده لوحدي وأنا ست على باب الله وبجري بيه في المستشفيات؟ بصلي طارق ودموعه نازلة على شفايفه:— أبويا حلفلي بالمصحف إن سارة سقطت الولد وماتت في العملية، قالي إن العيل مات معاها! أبويا مات من ست شهور بس، وقبل ما يموت بيوم واحد، اعترفلي وهو على فراش الموت إنه كدب عليا، وإنه دفع رشوة لواحد في المستشفى عشان يقنعني إن الطفل مات، وإنه كان بيبعت ناس يراقبوكي من بعيد ويتأكد إنكم مش هتقربوا مننا! أمي مكانتش تعرف حاجة غير بعد موت أبويا لما لقت ورق التحريات اللي كان عامله عليكم في خزنته! التفتت لمريم بصدمة، مريم هزت راسها وهي بتعيط بحرقة:— جوزي كان طاغية يا أم سارة، كان مريض بالتحكم، أنا لما سارة سلمتني الجواب في المستشفى كنت فاكراها هتنجو، بعد ما ماتت، جوزي قالي لو فتحتي بوقك هرمي ابنك المشلول ده في أي مصحة ومش هتشوفيه تاني، عشت عشر سنين ميتة بالحيا بين راجل ظالم وابن مشلول بيتعذب! طارق مسك طرف عبايتي برجاء، كأنه طفل متعلق بأمه:— أنا مش جاي أخد آدم منك، أنا أصلاً معنديش القدرة إني أكون أب كامل، أنا راجل عاجز، بس آدم ابني، حتة من سارة ومني، أنا كتبت كل الأملاك والفلوس اللي ورثتها عن أبويا باسم آدم وباسمك أنتي، كل اللي بتمناه... نظرة واحدة، يسمع صوتي، يعرف إني مكنتش ندل ومرميتوش، أنا بتعالج في ألمانيا بعد شهرين وعندي نسبة نجاح للعملية عشان أقدر أقف تاني على عكاز، نفسي أسافر وأنا عارف إنه عارفني. بصيت لطارق، وبصيت لفوق لشباك شقة آدم، حسيت بتقل الدنيا كله فوق كتافي، الولد عاش عشر سنين ميعرفش غيري، متعلق بيا وفاكر إن أبوه مات أو غايب وميعرفش عنه حاجة، إزاي فجأة أدخله على راجل على كرسي متحرك وأقوله ده أبوك اللي كان غايب بسبب مؤامرة عائلية وسلسلة من الكدب والانتقام؟قلت لطارق بنبرة حاسمة وصوتي بيترج:— الفلوس والأملاك دي متلزمنيش، آدم اتربى على اللقمة الحلال اللي جبتها بعرق جبيني، بس مش هحرمه من حقه، ولا هحرمك من إنك تسمع منه كلمة بابا. لكلمة نزلت على راسنا كلنا زي المية المغلية: "لازم تسافر الفجر يا إما هتمــ,,ـــــوت". الصالة اتجمدت تماماً، حتى صوت عياط آدم اللي كان طالع من ورا الباب كأنه هدي فجأة وبقى وشيش خفيف، كأنه كان بيسمع الكلام من ورا الخشب. طارق رفع عينه لأمه بنظرة مفيهاش أي خوف من المـ،،و،تـــ،ـ، عينه كانت باردة، باصة على باب أوضة ابنه المقفول برزعته اللي لسه بترن في الحيطان. هز راسه ببطء شديد وقال بنبرة هادية بس قاطعة:— مش مسافر يا أمي. مريم صرخت صرخة مكتومة وضــ,,ـــــربت على صدـ,,ـــرها:— أنت اتجننت يا طارق؟! الدكاترة قالوا إن التجلط اللي ضاغط على النخاع الشوكي وقريب من شرايين المخ بيزيد، لو ما اتفتحتش في ظرف 48 ساعة هيحصل نـ،،ز،يـــ،ـف داخلي ومش هتلحق! بقالك عشر سنين بتستنى الفرصة دي عشان تقف على رجلك، ودلوقتي لما يجي ميعادها ترفض؟! طارق مسك الكرسي ولف وشه ناحيتي، عينيه كانت غرقانة دموع بس ثابتة:— أقف على رجلي عشان أروح فين يا أمي؟ أعيش عشان إيه؟ أنا عشت عشر سنين ميـ،،تـــ،، ولما ربنا رد فيا الروح وشوفت ابني، دخلت عليه كسرت قلبه وخليته يصرخ في وش جدته اللي ربته! لو همــ,,ـــــوت، همــ,,ـــــوت هنا... قدام بابه، وهو عارف إني مهربتش منه تاني، مستحيل أركب طيارة وأسيبه فاكر إني راجل ندل اتخلى عنه وعن أمه! قربت منه، حسيت بوجع الأم اللي جواه، الوجع ده كواني أنا قبله، مسكت إيده بقوة وقولتله بحزم:— هتقوم وتسافر يا طارق. بصلي بذهول، كملت وأنا بضغط على صوابعه الباردة:— سارة مـ،،ا،تـــ،ـت وهي بتولد عشان تخرّج الروح دي للدنيا، سارة ضحت بحياتها وسمعتها عشانك وعشان ابنها، تيجي أنت تضيع نفسك بغباء وتقول أمــ,,ـــــوت؟! أنت فاكر إن آدم لو صحي الصبح وعرف إن أبوه مـ،،ا،تـــ الليلة دي هيرتاح؟ أنت كده بتكتب عليه يتم مرتين! بتديله ذنب يعيش بيه طول عمره ويقول أنا اللي قولتله مش عايزك فمـ،،ا،تـــ بسببي! طارق انهار ودفــ,,ـــــن وشه بين كفيه، كتافه كانت بتتهز بنحيب يقطع نياط القلب:— مش قادر أمشي وهو كارهني يا حاجة... مش قادر، كلامه بيقطع في لحمي، معاه حق في كل كلمة، أنا أب عاجز مكنتش موجود لما احتاجني. مشيت بخطوات بطيئة ناحية أوضة آدم، وقفت قدام الباب، مديت إيدي وحطيت كفي على الخشب، حسيت بيه قاعد ساند ضهره على الباب من جوه. اتكلمت بصوت حنين وواطي، الصوت اللي كان بيهديه وهو طفل لما يصحى مفزوع من كابوس:— آدم يا حبيبي... افتح لتيتة. مردش، بس سمعت صوت شهقة صغيرة. — آدم... أنا عمري ما كدبت عليك، لما قولتلك معرفش مكان أبوك، كنت صادقة، طارق مكنش يعرف إنك في الدنيا، وجده الشرير هو اللي حك على الكل وفرّقكم. .. أبوك عمل حـ،،ا،د،ســـ،ـه عشان يوصل لمامتك، ودلوقتي هو قدامه ساعات ويسافر يعمل عملية خطيرة أوي في راسه وضهره، عملية ممكن ميرجعش منها... هو مش عايز يسافر، عايز يقعد هنا عشانك، بس لو قعد... هيمــ,,ـــــوت يا آدم. مامتك سارة سايباهولك أمانة زي ما سابتك ليا، هتقبل تضيّع أمانة مامتك؟ السكوت رجع تاني للصالة، مرت دقيقة، اتنين، تلاتة... طارق كان حابس أنفاسه، عينه متبتة على مقبــ,,ـــــض الباب، مريم كانت بتدعي وتتحسبن وهي بتبوس سجادة الصلاة اللي فرشتها في الركن. وفجأة... طقطقة المفتاح لفت جوه الكالون. الباب اتفتح ببطء شديد، وظهر آدم. عينيه كانت منفوخة وحمرا، وخدوده مخططة بالدموع، كان ماسك في إيده السلسلة الفضة بتاعة سارة، والدلاية اللي على شكل قلب كانت بتلمع في كفه الصغير. آدم مطلعش من الأوضة، وقف على العتبة، باصص لطارق اللي الكرسي بتاعه كان على بعد مترين منه. طارق حاول يبتسم، شفايفه كانت بتترعش ومش قادر ينطق، خايف أي كلمة تطرد الولد تاني جوه الأوضة. آدم مشي خطوة... خطوة تانية... لحد ما وصل قدام الكرسي المتحرك، رفع عينه في عين طارق، وسأله بصوت طفولي موجوع:— هو أنت... بجد كنت بتحب ماما؟ طارق نزل راسه لمستوى آدم، مد إيديه الاتنين وحاوط كتاف ابنه الصغير، ولمس وشه بحنية الدينا كلها:— كانت روحي يا آدم... وأنت حتة من روحها، أنا عشت السنين دي كلها عشان اللحظة دي بس، عشان أقولك إني فخور بيك، وإنك أحسن حاجة حصلت في عمري. طلعنا الشقة، آدم نام من كتر التعب والعياط في حــ,,ـــــضني وهو ماسك في كراسة الرسم بتاعته. مرت ساعات الصبح تقيلة ومملة، وبعدها مرت أيام زي السكاكين، مريم سافرت وراه وكانت بتطمنا كل شوية بمكالمات سريعة. لحد ما جه اليوم الموعود... اليوم التالت للعملية، التليفون رن في نص الليل. جريت على التليفون، رفعت السماعة وإيدي بترتعش:— ألو... مريم؟! صوت مريم جه من ورا السماعة، بس مكنش صوتها الطبيعي... كان صوت بينهج، مشوش، وفيه صوت أجهزة إنذار مستشفى بتصفر في الخلفية بشكل مرعب، وقالت بصوت بيصرخ ومكتوم:— الحقيني يا أم سارة... العملية خلصت من ساعتين، بس حصل مضاعفات في المخ، طارق قلبه وقف والدكاترة بيحاولوا ينعشوه ومش عارفين هيفوق ولا لأ! الجملة نزلت على ودني زي الصاعقة، صوت صفير أجهزة العناية المركزة في الخلفية كان بيخترق السماعة كأنه سكاكين بتقطع في صدـ,,ـــري: "طارق قلبه وقف والدكاترة بيحاولوا ينعشوه ومش عارفين هيفوق ولا لأ!". — مريم! الو! مريم ردي عليا! قولي إنه عايش! مريم!! الخط قطع فجأة، ومفضلش غير صوت التوتة السريعة الباردة. رجعت خطوتين لورا ورجلي خارت تحتي، قعدت على الأرض في الصالة وسندت ضهري على الحيطة، حطيت إيدي على وشي وأنا بنهج ومش قادرة أتنفس، شريط الذكريات كله اتعرض قدامي في ثانية واحدة... سارة وهي بتمــ,,ـــــوت في العمليات وسابتني لوحدي، ونفس الخوف اللي حسيته من عشر سنين بيعيد نفسه دلوقتي مع الراجل اللي حبته ومـ،،ا،تـــ علشانه، مع أب حفيدها اللي لسه دوبك بادئ يلمس أمان الدنيا في وجوده. — تيتة؟ رفعت راسي برعب، لقيت آدم واقف في طرقة الأوضة، لابس بيجامته وماسك في إيده كراسة الرسم بتاعته، عينيه كانت مليانة خوف واستغراب وهو شايفني واقعة على الأرض والسماعة مدلدلة من السلك بتاعها. قرب مني بخطوات بطيئة، نزل على ركبه ومسك إيدي الباردة:— مين كان بيكلمك يا تيتة؟ طنط مريم؟ بابا حصله حاجة؟ حاولت أبلع ريقي، حاولت أرسم أي ابتسامة كدابة أطمنه بيها زي ما كنت بعمل زمان، بس مقدرش

اتجوزت بنت عندها متلازمه داون حكايات زهرة

صاحبه امي

اترك تعليقاً إلغاء الرد