
ثار سيف وذهب سريعا ناحية غرفة الفحص يريد الدخول وجد ريم تخرج علامات القلق علي وجهها
تحدث بتوتر
حور عاملة ايه
رفعت نظرها ليحيى الذي شجعها علي الكلام
عندها هبوط شديد وتعب مفاجئ والدكاترة بيحاولوا يساعدوها والحمدلله لحقناها بسرعة
تقهقر سيف حتى استند علي الحائط
لازم نطمن عليها الاول
نظرت لعيني سيف الذي يستمع لها بروح خاوية
ان شاء الله هتبقى كويسة المهم هي ترجعلي وبس
دخلت ريم مسرعة وبدأت مع الفريق الطبي الإجراءات اللازمة.
لم ينطق سيف بكلمة، سند على الحائط خلفه وأغمض عينيه متذكرا لحظاتهم الهادئة.
كانوا جالسين أمام التلفاز وهي ترتدي فستانا جميلا، يجلسان على الأريكة في حضن بعض يستمعان لفيلم عائلي جميل فيه طفل رائع الجمال
نظرت له بعيون تتسع عند الدهشة والفرح
سيف
عايزة بيبي ولد ألعب معاه ويكون حلو ولون عينيا
ملس علي خدها
اشمعني لون عينيكي مش لون عينيا
علشان تحبه زيي بالظبط زي ما بتحب لون عينيا انا
قبل جبينها بشغف
وليه مش بنت
كشرت: لا مش دلوقتي
يا مجنونة عمري ما هحب حد زيك انا عايزها شبهك ومنك
دخلت في حضنه
انا عايزة بيبي ولد ويكون شبهي وبعدين بشوية نجيب بنت شبهك
ازداد من احتضانها
بتحبيني للدرجة دي
اوي بحبك اوي
قطع ذكرياته صوت حاتم الذي كلمه يحيى وجاء مع الحرس
سيف انت كويس
نظر له بخواء وهز رأسه
جلس بجانبه ينتظرون خروج الطبيبة بعد وقت خرجت الطبيبة وبجانبها ريم
اقبلوا عليهم بسرعة
حور اخبارها ايه
اهدي يا سيف باشا الحمدلله هي بخير دلوقتي بس لازم تغذية جامدة ولازم تاخد بالك من نفسيتها اللي حصل مش سهل
فقدت الجنين وده مش سهل لازم تتحمل
اغمض عينيه بوجع فروحه ستتألم قبلها
اقدر اشوفها
حاليا لسه هتتنقل ليها اجهزة هنا في الجناح ده ولما تستقر شوية تقدر تدخلها
سيف
نعم خرج صوته منكسرا لاول مرة تراه هكذا
ابكي يا سيف
احتضنها فجأه ووقع هو وهي علي ركبتيهم وبكى بشده
شاهد حاتم ويحيى ريم وهي تحتويه وهو يبكي كالأطفال الصغار لاول مرة يرونه هكذا
تقطع قلب حاتم فأخته واخيه اما يحيى لم يشعر بالغيرة وانما شعر بألمه
قلبي بيوجعني
ايه يا ألفت مالك ان شاء الله خير
لا وانا كمان مش مرتاحة
ايه يا مني مالك انتي التانية بتخوفونا ليه
مش عارفة بس حاسة بحاجة وحشة
ما ان قالت هذه الكلمة حتى وجدوا كل من حاتم ويحيى داخلين
ألفت بتلقائية: عايزة اشوف اختك
نظر لها بألم واجلسها قص عليهم ما حدث
قلب الام تقطع عليها
بنتي ودوني لبنتي
أهدي يا طنط اهم حاجة دلوقتي هناك مش عايزين انفعال لازم نقف جنبها
صعد حاتم الي الأعلى وجد جوي تلاعب جين ما ان دخل حتي وضعتها في سريرها واقتربت منه
فزعت لما رأت من حالته
مالك يا حبيبي
دخل في حضنها وبكى
مالك
اخبرها بكل شئ فنزلت دموعها هي ايضا
طب يلا نروحلها يلا
قوم يلا يا سيف غير هدومك يحيى باعت لك الهدوم دي يلا
نظر لها ولم يتحدث
حدثته برجاء شديد
قام معها بهدوء
وصلت العائلة وجدوا الدكتور يخرج من غرفتها
بنتي عاملة ايه يا دكتور
تحدثت بلهفة ودموعها على وجنتيها
حور هانم اتكتب لها عمر جديد هي دلوقتي في احسن حالة ممكن تكون فيها
ينفع اشوفها
جدا اتفضلوا ادخلوا خليكوا جنبها لازم لما تصحي ماتبقاش لوحدها علشان ماتفكرش كتير
دخلوا اندهشوا مما رأوا هل هذه حور ابنتهم المشعة بالجمال هذه شاحبة جدا هزيلة ترقد علي سرير ابيض
اقترب والديها منها اخذا يديها اقترب حاتم وقبل جبينها
همهمة بسيطة
س سيف
انتفضوا جميعا مقتربين منها تفتح عينيها بصعوبة
فوقتي يا قلب ماما
ماما
نزلت دموعها وهي تحدثها فاقترب والدها منها
ازيك يا روح بابا
بابي ابتسمت بوهن
فتح الباب ودخل فجأة كان قد انهى ارتداء ملابسه
دلوقتي اقدر اقولك يلا تدخل لحور وتستنى لما تفوق
اسرع يفتح باب الغرفة وجد الكل حولها اقترب من السرير بسرعة وجدها تبتسم بوهن افسحوا له مجالا حتي يراها
امسك يدها
س ي ف
قبل يدها: قلب سيف وعمر سيف
ايه الي حصل
مش مهم دلوقتي اهم حاجة ترتاحي الاول
ابتسمت له بوهن واغمضت عينيها
حور حور
خلاص يا سيف دا بفعل المسكنات
فين مرام
نامت شوية
قالت وهي تجلس بجانبه علي الكنبه
بعد فترة من الزمن
حبيبي
فوقيلي كده
همست حاضر
قبل شعرها: نفسي نفرح وقريب جدا
خرجت من حضنه بدموع
لحظة عدت عليا بعد ما قالوا انك مش موجود حسيت روحي هي بتتسحب مني
قبل دموعها: دموعك غالية اوي ماتعيطيش ربنا هيكرمنا ان شاء الله



