
حور: حرام يا سيف انت طويل قوي وريني بقى
قالت هذا وهي تقف خلف ظهره حتى ترى ماذا يطبخ لها
قلت لك روحي اقعدي مكانك علي الكرسي لحد ما اخلص
انت انت
ما تهتهيش وامشي روحي اقعدي هناك
انت ظالم يا سيف ظالم
نظر لها بدهشة واشار تجاه صدره
انا انا ظالم علشان بقالي اسبوع اطبخلك ومقعدك ست هانم تتفرجي عليا ابقي ظالم
ايوة انا عايزة اتعلم علشان اطبخلك اما انت مش راضي يا سيف يا ظالم
اطفأ البوتاجاز وازال مريول المطبخ
بقى انا ظالم
وجري خلفها وهي تجري وتضحك بشدة
تعالي هنا تعالي علشان اوريكي
لا مش هاجي
وهي علي طرف سفرة الطعام وهو في الطرف الاخر
لاذكية عرفتيها وحدك
وانقض بسرعة وحملها ووضعها علي الكنبة
قالت من بين ضحكاتها
ههه خلاص خلاص يا سيف
انسي انا ظالم
سيف
عيونه
بحبك اوي
وانا
قاطع حديثهم رنين هاتفه الذي فتحه لمكالمة يحيى فقط
ابو شكلك يا يحيى
ههه معلش قوم رد عليه
حاضر
عايز ايه
ههههه معلش شكلي كلمتك في وقت مناسب جدا
انطق
وعلى ايه حاتم جيلي كمان نص ساعة كله هيبان تعالى
حاضر نص ساعة وابقى عندك
هتروح فين
قالتها من خلفه وهي عابسة
لازم اروح اشوف يحيى
طب خدني معاك ماتسبنيش لوحدي
احتضنها مش هينفع يا روحي لازم امشي دلوقتي يلا تعالي اطلعي معايا
وصل حاتم الي منزل يحيى الذي يدخله لاول مرة بحياته
دخل حاتم فوجد يحيى يجلس علي كرسي المكتب امامه ومعطيا ظهره له شخص ما ما ان اقترب حتى عرف انه سيف
ما ان رأى سيف حتي اندفع يحتضنه بادله سيف الاحتضان ثم جلس
عايز افهم يا سيف في ايه
طلعت سريع يا حاتم وخدت بالك بدري
تربيتك يا سيف في ورق كتير مش موجود وصفقات انت استحالة تمضي عليها
الورق انا الي خافيه يا حاتم
نظر له بدهشة: يعني ايه
التفت ليحيى الذي وقف يتحدث
عمرك سألت نفسك انا وسيف عرفنا بعض ازاي
اصحاب عادي
يعني عمرك شفتني معاه وانت صغير مثلا دا انتو من القاهرة وانا اسكندرية
لا معرفش
يبقى تعرف دلوقتي
جلس سيف ويحيى امامه
انت تعرف انا كنت شغال ايه يا حاتم
ظابط
مخابرات
اندهش حاتم فهذه معلومة لاول مرة
مهمة كنت انا وواحد زميلي دايما في ظهر بعض انا في الوش وهو ظلي انا ادام الناس وهو يسهل المهمة المرة دي كانت حماية سيف
وايه الي يخلي المخابرات تحمي سيف من ايه
انت عارف نفوذ اخوك كويس غير انه كان الاكبر في عالم البيزنس في الشرق الا انه ابتدى يوسع في الغرب وشغله نضيف جدا مافيش غلطة
طب مادي حاجة كويسة ايه السبب
واحد نضيف جدا بيساعد البلد وبيعمل خير كتير وده خلى جهات غير محترمة تحاول تستغله
نطقها حاتم بذهول وهو ينظر لسيف
زي ما انت بتسمع دا الي حصل عرفنا ببداية عرضهم على سيف سيف رفض وعرضهم من الاول كان غير مقبول اتواصلنا مع سيف وحطينا خطة
الي حصل ان اول عملية كانت عبارة عن شحنة مخالفة داخلة في شحنة الادوية الشحنة عدت وجه وقت التسليم وقتها كان في الجهاز نفسه في شخص سرب معلومات والعملية اتكشفت
رجعت بالليل بعد استلام الشحنة بيتي كنت عايش مع امي وابويا ومراتي وبنتي الي ماكملتش شهور لسه
في ثانية دخلت لقيت البيت مقلوب وكل واحد في خطر والشخص المسؤول شايل بنتي
تجمعت الدموع في اعين يحيى لتذكره هذه الواقعة
ربت سيف على كتفه واكمل هو



