روايات وقصص

مراتي ام عيالي بقلم شيمو 1

وأنا وافقت أقابله.»
وقعت مني الموبايل.
حسيت كأن حد ضربني في صدري.
مش لأنها اتجوزت…
لكن لأنها بدأت تفكر فعلًا إنها ممكن تعيش مع راجل تاني يقدرها.
وفجأة افتكرت كل مرة كانت مستنياني أقولها كلمة حلوة وأنا كنت مشغول عنهابأمور تافهة.
افتكرت أول يوم اتجوزنا…
كانت بتضحك من أقل حاجة.
افتكرت لما كانت تستناني الخميس، وتجهز الأكل اللي بحبه.
افتكرت إيديها وهي بتذاكر للعيال.
افتكرت إنها كانت تصحى من النوم عشان تجهزهم للمدرسة، وأنا كنت بعيد عنها في محافظة تانية.
افتكرت كل حاجة… والمصيبة إني افتكرتها بعد ما بقت مش بتاعتي.
اتصلت بيها.
الموبايل رن مرة… مرتين… وبعدين ردت.
قلت بصوت مكسور:
— ممكن نتكلم؟
قالت بهدوء:
— اتفضل.
قلت:
— أنا عايز أرجعلك.
سكتت.
قلت بسرعة:
— عارف إنك مش هتصدقي، وعارف إني قلت الكلام ده متأخر… بس أنا فعلًا اتغيرت.
قالت:
— إنت مش عايز ترجعلي عشان اتغيرت… إنت عايز ترجعلي عشان حسيت إن ممكن حد تاني ياخد مكاني.
الجملة دي كسرتني.
قلت:
— لأ… أنا ندمان بجد.
ردت بعد صمت:
— الندم لوحده مش كفاية يا أبو أولادي… أنا قضيت سنين مستنية تقدير راح في الهوا.
وبعدين قالت:
— وأنا مش هظلمك، ومش هظلم نفسي.
قلت:
— يعني خلاص؟
قالت:
— مش عارفة.
ثم سكتت لحظة وقالت:
— لو عايز تعرف هل لسه فيه فرصة ولا لأ… اسأل نفسك سؤال واحد.
قلت:
— إيه؟
قالت:
— لو مفيش راجل تاني اتقدم لي، ولو مفيش احتمال إني أتجوز وأعيش مع غيرك… كنت هتندم بنفس القوة دي؟
ماعرفتش أرد.
لأني لأول مرة حسيت إن السؤال وجعني لأنه كشف الحقيقة.
وقفت ساكت، وقبل ما تقفل، قالت جملة خلتني أعيش بعدها في حيرة:
«لو عايز فرصة، ماتطلبهاش مني… أثبت إنك تستحقها.»
قفلت المكالمة.
وقعدت طول الليل أفكر… هل فعلًا أقدر أتغير؟ ولا أنا بس خايف أخسرها لأنها ممكن تبدأ حياة جديدة؟
وفي الصبح… روحت لأولادي.
لكن اللي حصل هناك خلاني أعرف إن الموضوع أكبر بكتير من رجوع زوجة لزوجها…
لأن ابني الكبير بصلي وقال:
«بابا… ماما قالت لنا إنك ممكن ترجعها، بس إحنا مش عايزينها ترجع لنفس البيت اللي كانت بتعيط فيه.»

“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”

2 من 2التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى