مش متخيل إن مراتي وأم عيالي ممكن تبعد عن حياتي نهائياً… أو تسمع من شخص تاني كلمة تقدير واهتمام… الكلمة اللي أنا بخلت عليها بيها سنين. أنا تزوجتها صالونات، وكانت بنت طيبة وغلبانة، وكل اللي كانت عايزاه إنها تعيش في هدوء. ربنا كرمنا بثلاثة أولاد، وكانت شايلة مسؤوليتهم في غيابي وأنا شغلي في محافظة وهي عايشة مع الأولاد في محافظة تانية.
كنت أجيلهم الخميس والجمعة، وأحاول أقنعها تيجي تعيش معايا، لكنها كانت بترفض عشان أنا كنت مقيم مع أهلي، وهي كانت عارفة إن طباعهم صعبة ولسانهم ممكن يوجع.
ومع الوقت… أنا اللي اتغيرت.
بقيت عصبي، أزعق وأحياناً أشد في الكلام، وأهجرها بالأيام، وكنت مستني إنها تيجي تراضيني وتعتذرلي، حتى لو أنا اللي غلطان في حقها.
#حكاوي_شيمو
ولما كانت تختصر وتعمل اللي عليها في البيت وتقعد في أوضتها، كنت أسمع كلام أمي: «دي متكبرة عليك… سيبها لحد ما تيجي هي وتراضيك.»
وأنا صدقت.
صدقت إن سكوتها غرور… وإن بعدها عني عقاب… ومافهمتش إن الست أحيانًا لما تسكت، بتكون خلصت كل محاولات الكلام.
الفجوة بينا كبرت، وهي بقت تشتكي لأهلها من معاملتي، وأنا بدل ما أصلح اللي بوظته… بعدت أهلها عنها وعننا، عشان مايسمعوش مني كلمة تضايقهم.
لحد ما وصلنا لجلسة الطلاق.
هناك… قالتلي كلام لأول مرة أسمعه، رغم إنها كانت بتعيشه سنين.
قالت: «آخر مرة ناديتني باسمي إمتى؟ آخر مرة قلتلي فيها كلمة حلوة إمتى؟ آخر مرة شكرتني على مسؤولية الأولاد اللي شايلها لوحدي في غيابك إمتى؟ آخر مرة خرجنا فيها سوا من غير الأولاد وقعدنا نتكلم ونضحك إمتى؟ آخر مرة اتصلت تسألني أنا يومي عامل إزاي… مش الأولاد أكلوا وذاكروا ولا لأ؟»
وسكتت لحظة، وقالت: «أنا عشت معاك محرومة من الكلمة الطيبة والمعاملة الكريمة. صوتك العالي وعصبيتك وهجرك ليا بالأسابيع… خلوني أعيش وأنا حاسة إني لوحدي رغم إني متجوزة.»
وقتها كنت واقف قدامها ومش عارف أرد.
قالت: «أنا مش زعلانة على الطلاق… المهم ولادك اللي كنت بتقول إنك مستحملني عشانهم، هيبقوا معاك. وأنا هدور على اللي يقدرني بالحلال… لأني تعبت.»
ومر شهر على طلاقنا.
وأهلي بدأوا يدوروا لي على زوجة جديدة.
لكن أنا… لأول مرة بدأت أشوف حاجات كنت طول عمري مش شايفها.
بدأت أفتكر سكوتها، وتعبها، وصبرها، والبيت اللي كان ماشي رغم غيابي، والأولاد اللي كبروا وهي شايلة كل حاجة.
وبقيت أسأل نفسي:
هو أنا كنت عايزها تعتذرلي ليه؟ كنت مستني منها كلمة حلوة وأنا كنت أبخل عليها بكلمة؟ كنت مستنيها تجري ورايا وأنا كنت بهجرها؟ كنت عايزها تحس إنها مرغوبة ومحبوبة… وأنا خليتها طول الوقت تحس إنها مجرد أم لأولادي؟
والأصعب من كل ده…
إني مش قادر أتخيل إنها ممكن في يوم تلاقي راجل تاني يقدرها بصدق.
راجل يناديها باسمها بحب… يسألها عن يومها… يشكرها… يحتويها وقت زعلها… ويقولها كل الكلام اللي أنا حرمتها منه.
أنا عارف إني ظلمتها.
وعارف إن كلمة «آسف» مش هتمسح سنين من الوجع.
ومع ذلك… نفسي أقولها: «أنا آسف لو كنت زعلتك.»
لكن حتى الجملة دي خايف أقولها…
لأني لأول مرة فهمت إن الاعتذار الحقيقي مش إنك تقول «آسف»… الاعتذار الحقيقي إنك تتغير.
وأنا مش عارف هل لسه عندي فرصة أصلح اللي كسرته… ولا فات الأوان.
لكن المفاجأة اللي حصلت بعدها، واللي خلتني أمسك الموبايل وأنا إيدي بتترعش…
كانت رسالة من رقم طليقتي.
فتحتها…
ولقيت أول كلمة فيها:
«أنا عرفت إن أهلك بيدوروا لك على عروسة… وعشان كده لازم تعرف حاجة قبل ما تتجوز.»
فضلت باصص للشاشة ومش قادر أفتح باقي الرسالة.
كنت متوقع إنها هتقول إنها اتجوزت… أو إنها لقت حد في حياتها…
لكنني فتحت الرسالة.
لقيتها بتقول:
«أنا مش هعاتبك، ومش هقولك أنت ظلمتني قد إيه… لأن الكلام ده قلته لك يوم الطلاق، وأنت وقتها ماكنتش مستعد تسمعه.
بس قبل ما تدخل واحدة جديدة حياتك، لازم تعرف حاجة مهمة.
أنت طول عمرك كنت فاكر إني بسكت عشان أنا متكبرة عليك…
لكن الحقيقة إني كنت بسكت عشان ما أكسرش ما بينا الأيام.»
وقفت عند الجملة دي فترة طويلة.
أنا اللي كنت شايف سكوتها تحدي… طلع سكوتها محاولة أخيرة إنها تحافظ على العيش والملح.
كملت:
«فاكر لما كنت تهجرني بالأيام وتستنى إني أجيلك أراضيك؟ كنت ببقى نفسي أجيلك… بس كل مرة كنت بفتكر إنك قبلها أهنتني وقللت مني، فكنت بسأل نفسي: أروح أراضيه ليه؟ هو أنا اللي ظلمته؟»
نزلت عيني للأرض، ولأول مرة حسيت بالخجل من نفسي.
كملت القراءة:
«كنت بتقول إني مش بحبك عشان ماجريتش وراك. بس أنت ماعرفتش إن الست لما تتوجع كتير، بتبدأ تحافظ على كرامتها حتى وهي لسه تكن احتراماً للماضي.»
ساعتها دموعي نزلت غصب عني.
أنا كنت فاكر إن العلاقة تستمر مهما حصل فيها.
مافهمتش إن الود نفسه ممكن يموت من كتر الجفاء.
وبعدين وصلت لآخر الرسالة:
«أما بالنسبة للجواز… فأنا مش متجوزة، ومفيش حد في حياتي.
لكن فيه حاجة لازم تعرفها…
من يوم ما اتطلقنا، واحد من معارف أهلي اتقدم لي.
راجل محترم، شافني وأنا بتعامل مع أولادي، وعارف إني أم لثلاثة أطفال، وقال لأهلي إنه مستعد يتحمل مسؤوليتنا كلنا.
