— مش عارف… بس حاسس إنك عارفة حاجة.
عمر بص لها.
— سارة؟
قالت بعصبية:
— بطلوا تحطوا كل حاجة عليا!
وبعدين قامت ومشيت.
عمر جري وراها.
وأنا فضلت مع أبويا وعمي وملك.
قلت:
— لازم نعرف مين عمل كده.
عمي قال:
— هنروح بكرة للمحامي، وهنشوف المستندات كلها.
ملك كانت ساكتة.
قربت منها وقلت:
— إنتِ خايفة؟
قالت:
— أنا خايفة عليك.
— مني؟
— من الموضوع كله.
— أنا مش هسيبك.
بصتلي بحزن وقالت:
— ياسين، يمكن الأفضل نوقف الجوازة.
اتصدمت.
— ليه؟
قالت:
— عشان كل ما نقرب من بعض، المشاكل بتزيد.
قلت:
— وإحنا هنسيب الناس تفرقنا؟
قالت:
— أنا مش خايفة من الناس… أنا خايفة إنك تخسر أخوك.
سكت.
لأنها كانت عارفة قد إيه عمر مهم بالنسبة لي.
لكن في نفس اللحظة، عمر كان بيواجه سارة في العربية.
— إنتِ بتخبي عليا إيه؟
سارة قالت:
— مفيش.
— بصيلي وإنتِ بتقوليها.
سكتت.
عمر كرر:
— سارة، أنا عايز الحقيقة.
بدأت تبكي وقالت:
— أنا فعلًا خفت أخسرك.
— إيه علاقة ده بالمستندات؟
سكتت.
عمر فهم إن فيه حاجة.
— إنتِ كنتِ عارفة إن المستند موجود؟
قالت:
— كنت أعرف إن فيه ورق قديم.
— فين؟
— مش عارفة.
— كدب.
فضلت ساكتة.
عمر ضرب بإيده على الدريكسيون:
— سارة!
قالت:
— أنا شفت الورقة قبل كده.
عمر اتجمد.
— فين؟
قالت:
— عند خالتك.
— وإنتِ عملتِ إيه؟
— ولا حاجة.
— مين كان معاكي؟
سارة ما ردتش.
عمر قرب منها:
— مين كان معاكي؟
قالت بصوت منخفض:
— ملك.
عمر اتصدم.
— ملك كانت معاكي؟
— أيوه.
— وإيه اللي حصل؟
سارة قالت:
— يومها ملك كانت بتحاول تاخد الورقة عشان تثبت إن أبوها مش السبب في اللي حصل.
عمر سكت.
كل الصورة بدأت تتغير قدامه.
— وإنتِ ليه ما قولتيليش؟
قالت:
— عشان كنت خايفة إنك ترجع لها.
عمر بص لها بغضب:
— يعني سيبتي أخويا يتهم ظلم بسبب غيرتك؟
سارة انهارت في البكاء.
— أنا كنت خايفة أخسرك!
قال:
— وإنتِ كده فعلًا.
في اليوم التالي، رحنا للمحامي.
فتح الملف، وبدأ يقلب في الأوراق.
وفجأة وقف عند صفحة معينة.
قال:
— الورقة دي هي المشكلة.
أبويا سأله:
— فيها إيه؟
قال:
— التوقيع الموجود هنا مزور.
عمي قال:
— عارفين.
المحامي بص لنا وقال:
— لأ، في حاجة أنتم مش واخدين بالكم منها.
وأشار للتاريخ.
— الورقة دي اتعملت بعد التاريخ اللي مكتوب عليها.
قلت:
— يعني إيه؟
قال:
— يعني اللي زورها كان عنده إمكانية يدخل على ملفات الشركة في الوقت ده.
عمي سكت.
أبويا بص له.
وعمي بدأ يفتكر.
قال فجأة:
— استنى…
— إيه؟
قال:
— الشخص الوحيد اللي كان عنده مفتاح المكتب في الفترة دي…
وسكت.
قلت:
— مين؟
بص لنا وقال:
— ابن خالي.
عمر قال:
— طب ليه اتهموا ياسين؟
المحامي رد:
— لأن الشخص اللي زور الورقة كان محتاج حد تاني يتحمل المسؤولية.
ثم فتح ظرفًا صغيرًا وأخرج ورقة.
وقال:
— ودي أخطر حاجة.
أخذت الورقة منه.
كانت مكتوبة بخط إيدي أنا.
اتجمدت.
— دي مش خطتي!
المحامي قال:
— الخط واضح جدًا.
عمي أخذ الورقة وبص عليها.
أبويا قال:
— مستحيل.
أما عمر ففضل باصصلي.
وقال:
— ياسين… إنت متأكد إنك عمرك ما كتبت الورقة دي؟
قلت:
— والله ما كتبتها.
وفي اللحظة دي رن موبايل عمر.
رقم غريب.
رد:
— ألو؟
صوت رجل قال:
— لو عايز تعرف مين اللي بيحاول يوقع أخوك، تعالى لوحدك.
عمر قال:
— مين معايا؟
الرجل ضحك وقال:
— الشخص اللي كان موجود يوم ما اتطلقت ملك.
وقفل.
عمر بص لنا.
وبعدين قال:
— أنا لازم أعرف الحقيقة.
لكن قبل ما يخرج، دخلت سارة فجأة.
وكانت ماسكة ظرف في إيدها.
وقالت:
— عمر… استنى.
بص لها.
قالت وهي بتعيط:
— أنا عارفة مين زور الورقة.
الجميع اتجمد.
عمر قال:
— مين؟
سارة بصتلي.
ثم قالت:
— أخويا.
سارة كانت واقفة قدامنا، وإيدها بتترعش وهي ماسكة الظرف.
عمر قرب منها وقال:
— أخوكي؟! أخوكي هو اللي زور الورقة؟
هزت راسها.
— أيوه.
عمي
— بس ليه؟
سارة بصت للأرض وقالت:
— عشان الفلوس.
أبويا قال:
— فلوس إيه؟
قالت:
— كان عليه ديون، وكان عارف إن الأرض دي لو اتباعت هيطلع منها مبلغ كبير. فزور المستندات عشان يقدر يثبت إن جزء من الأرض من حقه.
المحامي أخذ الظرف منها وفتحه.
كان جواه مجموعة أوراق وصور.
قال:
— المستندات دي ممكن تثبت الكلام ده.
عمر بص لسارة:
— وإنتِ كنتِ عارفة من إمتى؟
قالت:
— من قبل ما أتجوزك.
سكت عمر.
وبعدين قال:
— يعني كل السنين دي وإنتِ ساكتة؟
قالت وهي :
— كنت خايفة. أخويا هددني لو اتكلمت، وقال إنه
عمر رد:
— وإنتِ بدل ما تقوليلي، سيبتي المشاكل تكبر؟
سارة قالت:
— أنا غلطت.
بصيت لها وقلت:
— وإزاي اسمي دخل في الموضوع؟
قالت:
— أخويا كان محتاج اسم حد يعلّق عليه التهمة.
قلت:
— واختارني أنا؟
قالت:
— عشان كنت أصغر واحد في العيلة، ومش معروف عنك إنك بتدخل في الشغل ده.
عمي مسك رأسه وقال:
— يعني إحنا كنا سنين بسبب ورقة مزورة!
المحامي قال:
— الورقة وحدها مش كفاية، لكن مع باقي الأدلة ممكن نثبت الحقيقة.
وبالفعل، بدأنا الإجراءات القانونية.
أما عمر، فكان واقف بعيد.
قربت منه وقلت:
— عمر…
بصلي.
قلت:
— دلوقتي فهمت ليه كنت رافض جوازي من ملك؟
سكت.
وبعدين قال:
— أنا كنت فاكر إني بحميك.
— وإنت ظلمتني.
هز راسه:
— عارف.
— وظلمت ملك.
قال:
— عارف.
سكتنا شوية.
وبعدين عمر قال:
— ياسين، أنا مش هقف في طريقك تاني.
بصيتله باستغراب.
— يعني؟
قال:
— لو ملك لسه موافقة عليك… أنا موافق.
ابتسمت لأول مرة من أيام.
— بجد؟
قال:
— أيوه.
وبعدين حضني.
وقال:
— بس عندي شرط.
ضحكت:
— إيه؟
قال:
— ما تخليش أي حد يدخل بينك وبينها زي ما الناس دخلت بيني وبينها.
قلت:
— أوعدك.
لكن الأزمة ما خلصتش.
لأن لما رجعنا البيت، لقينا ملك قاعدة مع أمي.
أول ما شافتني، قامت.
قلت لها:
— اتصلحي يا ملك.
بصتلي باستغراب:
— إيه؟
قلت:
— عمر وافق.
دموعها نزلت من الفرحة.
— بجد؟
هزيت راسي.
— بجد.
لكن قبل ما تكمل كلامها، دخل عمي.
وقال:
— فيه مشكلة.
كلنا بصيناله.
قال:
— أخو سارة اختفى.
سارة شهقت:
— اختفى؟!
عمي قال:
— أيوه. المحامي حاول يتواصل معاه، والموبايل مقفول.
عمر قال:
— يمكن
المحامي رد:
— غالبًا عرف إننا عرفنا الحقيقة.
أنا قلت:
— وملك؟
عمي بص لها.
— هي أكتر واحدة ممكن يكون عندها دليل عليه.
ملك اتوترت.
— أنا؟
قال:
— أيوه. فاكرة اليوم اللي شوفتي فيه الورقة القديمة؟
هزت راسها.
— أيوه.
— كان فيه شخص تاني موجود وقتها.
ملك سكتت.
— مين؟
بصت لعمي وقالت:
— أخو سارة.
سكت الجميع.
عمر قال:
— وإنتِ ليه ما قولتيش الكلام ده من الأول؟
ملك قالت:
— لأني ما كنتش عارفة إنه هو اللي زور الورقة.
عمي قال:
— بس ممكن يكون فاكر إنك شوفتي حاجة تدينه.
ملك بدأت تخاف.
أنا قربت منها وقلت:
— محدش هيقرب منك.
لكن موبايلها رن.
رقم مجهول.
ردت وهي مترددة:
— ألو؟
جالها صوت رجل.
ملك اتجمدت.
وبعدين وقع الموبايل من إيدها.
سألتها:
— مين؟
رفعت عيني وهي مرعوبة وقالت:
— هو.
— مين؟
قالت:
— أخو سارة.
وقبل ما نلحق نسألها قال إيه، وصلتها رسالة.
فتحتها.
وكان مكتوب فيها:
“لو عايزة تعرفي ليه أنا عملت كل ده… تعالي لوحدك. وإلا أخوكي ياسين هيدفع تمن اللي حصل.”
بصيت للشاشة.
وعرفت إن الموضوع ما بقاش مجرد خلاف عائلي.
بقى تهديد حقيقي.
ملك كانت ماسكة الموبايل وإيدها بتترعش.
قلت لها:
— هاتي الموبايل.
ناولتهولي، وقريت الرسالة تاني.
عمر قال:
— محدش هيروح يقابله لوحده.
عمي قال:
— لازم نبلغ الشرطة.
ملك قالت بسرعة:
— لأ!
كلنا بصينا لها.
قالت:
— لو بلغنا، ممكن يعمل أي حاجة.
عمر رد:
— وإحنا لو سكتنا هيعمل اللي هو عايزه.
سارة كانت واقفة في آخر الصالة، ووشها مليان خوف.
قالت:
— أنا عارفة مكان ممكن يكون راح له.
عمر بص لها:
— فين؟
قالت:
— المخزن القديم بتاع أخويا.
عمي قال:
— هنبلغ الشرطة ونروح.
لكن قبل ما نتحرك، موبايل ملك رن تاني.
نفس الرقم.
ردت.
الصوت قال:
— عندك نص ساعة.
ملك قالت:
— عايز مني إيه؟
— عايز الورقة اللي كانت معاكي يومها.
ملك قالت:
— أنا مش معايا أي ورق.
ضحك:
— إنتِ عارفة إني مش بتكلم عن الورق.
ملك سكتت.
قال:
— عايز الدفتر.
وشها اتغير.
قلت:
— دفتر إيه؟
الصوت قال:
— ولو ياسين عرف اللي فيه، هيعرف ليه أخوه طلقك من البداية.
وقفل.
بصيت لملك:
— إيه الدفتر؟
ملك كانت ساكتة.
عمر قال:
— ملك، اتكلمي.
قالت:
— دفتر قديم كان عند أبويا.
عمي اتوتر.
— أي دفتر؟
قالت:
