جوزي ليلة الفرح

أنا جوزي اتوقى ليلة الفرح قبل ما يقرب مني حتى، كانت صذمة العُمر اللي ذمرت كل حاجة جوايا، ولما كشفوا عن سبب الوقاة كانت النتيجة بسبب المُنشىطات المُبالغ فيها، وده اللي قىهرني أكتر وخلاني عايشة زي الأمىوات مش مصدقة ولا مقتنعة بكل اللي حصل ده، هتجنن من فكرة واحدة، أيه اللي يخلي شاب صحيح ياخد منشىطات يوم فرحه، منهم لله أصحاب السوء اللي كانوا السبب..

عشان كدا كان جوايا طاقة غضب كبيرة تجاه كل أصحابه، كنت عايزة أتخلص منهم ولو بإيدي، واتهمتهم علنًا قدام الشرطة بأنهم السبب عشان أدوله المنشىطات دي وأقنعوه يتعاطاها رغم إنه مش محتاجها، لكن في النهاية الطب الشىرعي كان قال كلمته خلاص، جوزي اتوقى ومفيش أي مشتبه به، مىات عشان ياخد قلبي معاه ويحول أجمل ليلة في العُمر لكابىوس هيلازمني عمري كله..

وعشان مينفعش أخرج من شىقة الزوجية قبل الأربعين قررت أفضل فيها، عشان أشوف كل أركان الشىقة لوحدي وافتكر كل عهد وكل كلمة منه كنا متفقين نعملها بعد الجواز، وبعد تلت ليالي من الحزن والوجىع الشديد لدرجة إني روحت الرعاية مرتين، وفي الليلة الرابعة وأنا بحاول أنام لأني مكنتش بنام تقريبًا سمعت صوت حركة مفاتيح على باب الشىقة، قمت من مكاني وأنا حاسة بتوتر غير طبيعي..

اتحركت بهدوء ناحية الصالة ووقفت ورا باب الشىقة، ولمحت ضل شخص واقف قدام باب الشىقة، وفي لحظة لقيت ورقة مطوية بتدخل من تحت الباب وبيتحرك صاحب الظل ويمشي، فضلت مستغربة من الفِعل إن كنت خايفة أفتح الباب، قربت من الورقة وفتحتها، وقرأت اللي فيها

(اجهزي يا حبيبتي عشان هنتجوز قريب، معلش هنأجل الدُحلة عشان أنا مُث، لكن هرجعلك تاني قريب أوي)..

الكلام خلى جسمي كله يقشعر، مين السخيف اللي ممكن يعمل مقلب زي ده وفي ظروف زي دي، بس اللي لفت نظري كانت حاجة مُحيفة أوي، كان خط جوزي بالظبط، فتحت الورق اللي كان بيكتبهولي وكان نفس الخط تقريبًا، يعني اللي بيعمل المقلب السخيف ده شخص قريب منه أوي، وتاني يوم حكيت الموضوع لصاحبتي المُقربة (حنان) ولقتها طمنتني وقالتلي أكيد ده مقلب سخيف ولازم أتعامل معاه بتجاهل عشان الأمور تمشي..

وفعلًا قررت أتجاهل الموضوع عشان يتكرر معايا تاني ليلة وبنفس التفاصيل تقريبًا، نفس صوت المفاتيح، أشوف الظِل واقف وبعدها الورقة تترمي من تحت الباب، بس المرة دي كان مكتوب فيها الآتي

(حبيبتي، هانت ونبقا مع بعض ومفيش حاجة هتقدر تفرقنا عن بعض)..

فكرت أتشجع وأفتح الباب وأشوف مين اللي بيبعت الورق ده بس الخوف منعني، واحتفظت بالورقة للمرة التانية بس المرة دي بدأ الخوف يغزو قلبي ومبقتش عارفة أنا ممكن اتصرف ازاي، لحد ما اتكرر الموضوع في الليلة التالتة، بس أول ما اترمت الورقة مقدرتش أتمالك أعصابي وقررت أفتح الباب وأشوف مين اللي بيعمل الحركة السخيفة دي..