جوزي ليلة الفرح

وكانت هي ثانية واحدة لمحت فيها حد بينزل من على السلم، حد لابس كىفن عليه تراب كتير ومش ظاهر منه أي حاجة، اللي شوفته خلاني أتسمر مكاني وأفتح عنيا على آخرها، وفين وفين لما قدرت أدخل مرة تانية للشىقة، فتحت الورقة برعىب لقيت مكتوب فيها الآتي

(هستناكي قدام التربة اللي اتدقنت فيها بعد نص الليل، أوعى تتأخري عن تلت أيام)..

وقتها بس مكنش ينفع أفضل في الشىقة دي مهما كان وقررت أسيبها وأرجع بيت أخويا، قعدت هناك يومين ومن تالت يوم بدأت مراته ترمي كلام وتفتعل مشاكل عشان أمشي، وده ببساطة لأني خدت ورثي في بيت أبويا بعد ما اتباع وجهزت نفسي بيه وماليش مكان ممكن أعيش فيه غير شىقة جوزي، عشان كدا رجعت في الليلة التالتة، رجعت عشان اتفاجئ إن الشىقة كلها مقلوبة، مفيش أي حاجة في مكانها، ولقيت كلام مكتوب بالذم على مراية الحمام

وقتها أقسمت ما أكمل لحظة هنا وكلمت (حنان) وروحت عشان أبات معاها لأني مكنتش هقدر أكمل لوحدي في المكان ده، وفعلًا استقبلتني ونمت معاها في الليلة دي، بس واحنا نايمين وعلى الساعة واحدة بالليل تقريبًا شوفت الشخص اللي لابس الكىفن، شوفته واقف في الأوضة وباصص ناحيتي، الغريب أكتر إن حنان كانت منكمشة في آخر الأوضة وعمالة تتنفض، وكان واضح إنها كمان شايفاه، وأول ما قربت من الأباجورة ونورت النور زي ما يكون اتبخر من قدامنا..

بصيت لحنان وبصتلي، ولقتها أقسمت ما هكمل نىوم معاها وطردتني في نص الليل، قالتلي إنها مش هتتحمل تشوف حاجة زي دي أبدًا، ورجعت الشىقة المقلوبة عشان تستمر الأحداث المُرعىبة دي واللي كلها كانت بتأمرني أروح لجوزي عند الفبر بتاعه عشان نتجوز، كل ليلة كنت بتأخرها كانت بتحصل فيها أحداث تشيب، لدرجة إني خلال أسبوع واحد كنت عاملة زي التايهة ومبعرفش أجمع جُملة على بعضها، وفي النهاية قررت إني أروح، أروح لحد الفبر وأسمع الكلام عشان نتجوز أنا وهو..