
ميرفت وقفت على حيلها فجأة لدرجة إن الكوباية وقعت واندلقت على مفرش السفرة الأبيض، العصير الأحمر فرّش على القماش كأنه بقعة، وصرخت بهستيريا ودموعها نزلت: والله العظيم بتتبلى عليا! انتي بتعملي كده ليه يا ندى؟! عايزة تفرقي بيني وبين أمي وأختي عشان انتي حقودة ومغلولة من زمان؟ ماما متسمعيش منها دي بتلعب بيكي وبتمثل عشان تصرف نظرك عن قلة أدبها هي وجوزها!
في اللحظة دي، ستّي كريمة محركتش عينها عن وش ميرفت. بصتلها بنظرة كأنها بتشوفها لأول مرة في حياتها.. نظرة خذلان تقطع القلب. وقفت ستّي براحة، ورغم كبر سنها ووجع مفاصلها، كانت واقفة جبل، وقالت بصوت واطي بس يرن زي الرعد: الوديعة؟ وديعة أرض أبوكم اللي بايعينها؟.. انتي هببتي إيه يا ميرفت؟
سبتمبر 12, 2026
0 5٬743 7 دقائق



