افتحه! صرخت فيه بنبرة خلت جسمه يقشعر. افتحه يا دكتور يا متعلم! يا بتاع الأرقام والحقائق! افتح وشوف الورث اللي عمك أخد تمنه… شوف خط إيد عمك وهو بيعترف إنه ربّك على الكره عشان ما تطالبش بحقك وحق أبوك! شوف رسائل أمك اللي كانت بتستجدي فيها أهلها عشان بس يخليك تنام في حضنها ليلة واحدة!
علي بص للورق، وحاول يعمل نفسه مش مهتم، بس عينيه راحت غصب عنه على الورقة الصفرا القديمة… خط جده وعمه كان عارفه كويس.
إيده ترعشت وهو بيمدها وياخد الورقة.
بدأ يقرأ… وعينيه كانت بتتحرك بسرعة بين السطور.
وجهه بدأ يتغيّر… من البرود والغضب، للذهول، وبعدين للصفرار… كل نقطة دم في وشّه هربت.
ده… ده مش خط عمي… قالها صوت طالع بالعافية، بس نبرة الشك كانت مالية كلامه.
خط عمك… وأنت عارف خطه كويس! جدتك الله يرحمها هي اللي أدتتهالي… أدتتهالي وهي بتبكي وتقولي: حفيظة مظلومة يا بنتي، ابنها اتربى على السم. أمك ما باعتكش يا علي… أمك اتشدت من شعرها في الشارع يوم جنازة أبوك، وأنت أتاخدت من حضنها وهي عندها عشرين سنة! أبوها حلف ما تفضل في بيته، وجوزها لأبويا غصب… وأبويا كان بيموتها ضرب كل ما تنادي باسمك! أمك اتجننت عشانك! كانت بتجيب العيش تحط عليه شمعة وتغنيلك في عيد ميلادك وهي بتكلم الهواء! كانت تفتكرك جائع فتحط الأكل في بقها وتبكيه!
علي مسك الورقة، وإيده بقت تتفضّ زي ورقة الشجر في العاصفة. فتح الملف، شاف الصور… صور أمه وهي شابة صغيرة، ماسكاه في حضنها وبتبتسم ابتسامة صافية، وصورة تانية لها وهي مكسورة، وشها مليان لطم ودموع.
شاف الشهادات الطبية… التاريخ من 24 سنة! يعني من بعد ما أتاخد منها بسنة واحدة!
لا… لا… عمي قال لي… صوت علي كان بيموت، كان بيتقطع.
عمك خدعك! قربت منه وحطيت إيدي على المكتب، وبصيت في عينيه بكسرة وغضب: عمك ربّ جواك غول عشان يغطّي على سرقته لأرض أبوك! خلّيك تكره الوحيدة اللي كانت مستعدة تفديك بروحها! وأنت جيت… بعد 30 سنة… بدال ما تداوي جرحها، جيت تكهرب دماغها! جيت تمسح اللي فاضل من ذكرياتها عنك! أنت عملت إيه يا علي؟! أنت كملت على اللي عمله عمك فيها!
علي قام وقف مرة واحدة، الكرسي وقع وراه بضجة عالية. مسك الورق في إيده وضمها على صدره كأنه خايف تروح منه، عينيه اتملت بالدموع… دموع قاسية طلعت بالعافية من راجل بقاله 30 سنة مقسّي قلبه.
أنا… أنا افتكرت… بص لإيديه اللي كانت من شوية بتظبط جهاز الكهرباء، وحس بانهيار كامل… الجبل اللي بناه على الكره والطموح والانتقام انهد فوق راسه في ثانية واحدة.
جري برة الأوضة زي المجنون… خطواته كانت متلخبطة، بياكل الأرض أكل، وأنا بجري وراه.
وصل لأوضة أمي، فتح الباب ودخل.
أمي كانت لسه مرمية على السرير، النفس طالع نازل بالعافية، ووشها باهت تماماً.
علي قرب منها بخطوات مكسورة… الدكتور العظيم، الخبير العالمي، طاح على ركبه جنب السرير… نزل كبريائه كله تحت رجليها.
مسك إيدها الباردة، وحطها على وشه، وبدأ يبكي… بكاء هيستيري، صوت شهقاته كان بتهز الأوضة كلها:
أمي… أمي ردّي عليا… أنا علي… أنا علي يا أمي…
أمي ما اتحركتش… عينيها بصلته بجمود، النظرة الميتة اللي سابهالها جهاز الكهرباء.
حط راسه في حضنها، وبقى يبوس إيديها ورجليها ويهزها:
سامحيني… والله ما كنت أعرف… قتلوكي جوايا وخلوني أقتلِك… ردّي عليا يا أمي، اصرخي فيا، اضربيني، بس ما تبصيليش كده… أنا علي ابنك اللي كنتِ بتعمليله شمعة في عيد ميلاده… أنا علي اللي كنتِ بتناديله…
بس أمي كانت في عالم تاني… الكهرباء اللي أداهالها بدافع الانتقام، مسحت الشفيرة الأخيرة اللي كانت فاضلة في عقها… الشفيرة اللي كانت شايلة اسمه.
علي بقا يصرخ ويضرب راسه في حرف السرير الحديد، ودموعه نازلة على ملاية السرير المقطعة. الدكتور اللي جه ينتقم، اكتشف إنه قتل أمه بإيده مرتين… مرة لما صدق الكدبة، و مرة لما طفى النور اللي كان فاضل في عينيها.
وقفت عند الباب، بتفرج عليه وهو بيموت ألف مرة في الدقيقة.
الحقيقة رجعت… بس رجعت متأخرة أوي. رجعت بعد ما الجرح ما بقاش ينفع معاه علاج، وبعد ما علي بقى هو السجين الحقيقي في المستشفى دي… سجين ذنبه اللي مش هيتمحي العمر كله.
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
