ثاني يوم الصبح، نزلت أنا وأخويا وأبويا، والمفاجأة كانت إن حسين وحماتي واقفين قدام باب المحل القفل، وحسين جايب قفل جديد في إيده وعامل زفة في الشارع. أبويا قرب منه وقال: “نزّل إيدك يا حسين، المحل ده حلال يتامى والست دي هي اللي هتفتحه”.
حسين يدخل هنا ولا القفل ده بيتفتح إلا على جثتي! الشغل ده بضاعته بالآجل وليه أصول، ودول شوية حريم وهيضيعوا المال!”
فجأة، حسين سحب حماتي من إيدها بعد ما شاف الناس بدأت تتلم عليه، وبصلي بظنون شر وقال بصوت واطي مشوا، وأنا فتحت المحل، وريحة بضاعة جوزي الله يرحمه ردت فيّ الروح، بس كان ماليني. دخلت المخزن الكبير ورا السوبر ماركت، لقيت الأوراق متكعبلة، والدفاتر فيها أرقام مكنتش بفهم فيها حاجة. مر الأسبوع الأول بالعافية، أخويا واقف معايا في البيع، وأنا بحاول ألقط الصنعة وأعرف ده بكام وده بكام.
في يوم، جه تاجر كبير من بتوع الجملة، دخل المحل وهو شايل شنطة أسود في أسود، وبصلي بحدية وقال: “يا مدام، المرحوم كان عليه ليا كمبيالات ونص بضاعة المخزن دي بتاعتي بالآجل، وليا مليون جنيه كاش لازم يتدفعوا بكرة يا إما هفلسكوا وأقفل المحل بالقوة الجبرية!”
أنا اتسمرت مكاني، المليون ده معناه إننا ننكسر، والدفاتر اللي معايا مش مكتوب فيها الرقم ده خالص!
في نفس الليلة دي، وفي بيت حماتي تحت.. كان نور الصالة واطي. حسين قاعد ومولع سيجارة، وجنبه مراته وحماتي موطيين صوتهم خالص.
حسين ابتسم ابتسامة خبيثة وقال: “التاجر اللي بعتهولها طيّر برج من عقلها، واللعبة كده بدأت تظبط”.
حماتي قطمت شفتها وقالت: “المهم المحل والمخزن يرجعوا في إيدك، الست دي لو استقوت هتاكلنا كلنا ومش هنطول من تركة ابني جنيه.. هنعمل إيه في الخطوة الجاية؟”
#الكاتب_رومانى_مكرم_
يا ترى.. هيحصل إيه لما الباب يتفتح الصبح وتكتشف الشباك المفتوح والمخزن الفاضي؟ وهل التاجر ده بيلعب لحسابه ولا بيلعب مع حسين.. ومين اللي هينقذ حلال اليتامى من النار اللي بتاكل فيه؟
الجزء الثاني
أشرقت شمس اليوم التالي بحرارتها الخانقة، لكن البرودة كانت تتغلغل في عظامي وأنا أخطو خطواتي الأولى نحو السوبر ماركت. كان أخوي “أحمد” يسير بجانبي يحمل دفاتر الشغل التي قضينا الليل بطوله نحاول فك رموزها دون جدوى. وصلنا إلى باب المخزن الخلفي المُلحق بالمحل، وما إن وضع أحمد المفتاح في القفل حتى وجده معلقاً بالباب دون إغلاق!
