سكتت الحاجة حكمت وما عرفتش ترد كلمة واحدة، قامت ببطء ودخلت وقفلت الباب على نفسها، ولأول مرة البيت يهدى من الزن اللي كانت مبتنتهيش.
مع صباح اليوم الثاني، ضرب جرس الباب. فتحت ولقيت المهندس ومعاه السمسار اللي اتفقت معاه من أسبوع عشان يعاين اللي فوق. محمود كان فاكر إن دي هتبقى عش الزوجية للعروسة الجديدة، لكن اللحظة دي كانت البداية الحقيقية لاسترداد حقي وحق بناتي.
طلعت معاهم فوق، التشطيبات كانت واصلة لمراحل متقدمة؛ السيراميك اللي اختارته شيرين، الدهانات اللي كانت بتضحك وهي بتختار ألوانها، كل زاوية فيها كانت شاهدة على بجاحتهم.
قال السمسار وهو بيتفحص : “ما شاء الله يا مدام هبة، تشطيبها سوبر لوكس وموقعها ممتاز. دي تجيب إيجار محترم جداً في المنطقة هنا، والشباب اللي طالعين يتجوزوا يتمنوا بالجاهزية دي.”
رديت عليه بابتسامة: “العقد يتعمل باسمي أنا يا أستاذ، والإيجار يتحول على حساب بناتي في البنك شهرياً. أي حد ييجي يعاين، أهلاً بيه، جاهزة من بكرة.”
في نفس الوقت، كان محمود قاعد في مكتب المحامي بتاعه بيحاول يراجع الأوراق والوصولات اللي سبتها له في علبة الدهب. المحامي بص له وأخد نفس عميق وقال له: “يا محمود بيه، الموقف القانوني لمرتك معقد جداً لصالحها. وصل الأمانة صحيح ومبصوم بإيدك، وأوراق التحفظ على نصيبك في العقار واخدة صيغة تنفيذية. لو هي حركت رسمياً في النيابة، أنت ممكن في خلال أسابيع. الحل الوحيد إنك معاها وتوصلوا لتسوية ودية.”
محمود مسك رأسه وقال بصوت مخنوق: “تسوية إيه يا أستاذ؟! هبة قفلت كل الأبواب في وشي، ومش عايزة تشوفني، وأمي في البيت هتتجنن عشان اللي فوق هتتأجر للغرباء!”
رد المحامي بصرامة: “يبقى تتحمل نتيحة أفعالك، المدام مش بتلعب، دي مرتبة كل خطوة بالقانون وعارفة حقها كويس.”
خرج محمود من مكتب المحامي وهو حاسس بالضياع. حاول يتصل بشيرين عشان يشرح لها أو يترجاها تفهم الموقف، لكن كل محاولاته قوبلت بالرفض، ورقمها بقى غير متاح في وشي، وأهلها بلغوه إن الشبكة والهدايا هتترد له في كرتونة عن طريق السايس، وإن الموضوع انتهى بلا رجعة.
محمود قعد على ركبته قدامي وقال وهو بيعيط: “أنا أسف.. أنا أتعميت، أمي حسستني إن ناقصني حاجة، وشيرين استغلت طمعي. أنا عرفت قيمتك وقيمة البنات.. أديني فرصة واحدة أثبت لك إني اتغيرت.”
قربت الحاجة حكمت من باب ، وكانت شايفاه في الوضع ده، ولأول مرة ما تنطقش ولا تتدخل، كانت عارفة إن أي كلمة منها هتزود الطين بلة.
رفعت رأسي وقلت لمحمود بصوت واضح وصارم: “الفرص مش ببلاش يا محمود. لو عايز تبدأ صفحة جديدة وتثبت إنك فارق معاك بيتك وبناتك، الشرط الأول والأساسي: هتنزل إيجار، والفلوس هتتدخل لحساب البنات، وأنت هلتزم بمصروف البيت كاملاً من شغلك، والوصول المالي يفضل معايا ضمانة لكرامتي وحق بناتي. ولو مش عاجبك.. الباب يفوت جمل، وأوراق المحكمة جاهزة للتنفيذ.”
محمود بص لي وهو بيبلع ريقه، عارف إن مفيش مفر ولا خيار تاني قدامه، وإني بقيت اللي بتتحكم في زمام الأمور كلها.
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
