قالت بنبرة خفيضة، متهدجة ببرود يثقب العظام:
“حقك الشرعي يا حامد؟ فعلاً.. الشرع أتاح لك أربع. بس الشرع برضه يا ابن الناس قال: ‘فلما أسلما وتله للجبين’. الشرع قال إن العهد بين الرجال كلمة، وإن العقد اللي بيننا كان فيه شرط واضح أنت تباهيت زمان إنك راجل وقادر تصونه.. طالع دلوقتي تقول لي حقك الشرعي بعد ما شبعت من خيري؟”
ابتلعت ريقي بصعوبة، وحاولت أرتجل أي كلمة تدافع عن موقفي، أشرت بيدي بتوتر وقلت:
“يا شادية افهميني.. أنا ما نكرتش خيرك، أنتِ على راسي من فوق، بس أنا شاب ومن حقي أعيش سني، والشرع…”
قطعت كلامي بإشارة سريعة من يدها، ثم ابتسمت ابتسامة باهتة أربكتني تماماً وقالت:
“أنا مش هصرخ، ولا هعيط، ولا هفكرك بالشرط اللي بصمت عليه بدمك يوم ما جيتني حافي مش لاقي اللقمة. أنت فاكر إنك كبرت وركبت عربية وبقى تحت إيدك شغل وعمارات، فتقدر دلوقتي تقف قصادي وتكلمني عن حقك؟ ماشي يا حامد.. أنا موافقة. روح اتجوز سلمى.”
اتسعت عيناي بذهول، لم أصدق ما أسمعه! تسللت إلى قلبي فرحة مفاجئة بريبة شديدة:
“بجد يا شادية؟ أنتِ موافقة؟ أنا أوعدك مش هغير أي حاجة في حياتنا، وهفضل…”
قاطعتني مرة أخرى، وقامت من مجلسها بهدوء، مشت خطوات نحو النافذة المطلة على الشارع، وقالت وهي تولي ظهرها لي:
“موافقاك طبعاً.. هو أنا أقدر أقف في وش الشرع؟ بس زي ما أنت اخترت تأخد حقك ، أنا كمان قررت آخد حقي الإنساني. روح اتجوزها يا حامد، وريني هتدخل عليها بإيه، وهتصرف عليها منين، وهتعيشها في أنهي مستوى.”
سرت برودة مفاجئة في أطرافي، وسألتها بصوت مرتجف:
“يعني إيه الكلام ده يا شادية؟”
التفتت إليّ ببطء، وكانت ملامحها قد تحولت إلى قطعة من الصخر الصم:
وقفت مذهولاً، النطق ضاع مني تماماً، شعرت كأن الأرض تميد بي وتنهار تحت قدمي! تابعت هي بنبرة حازمة لا تحتمل النقاش:
“أنت فاكر إن الشقة والعربية والجاه كان عشان سواد عينك يا حامد؟ ده كان ثمن أمانتك ورجولتك اللي وعدتني بيها. لما بعت الأمانة، المبيع يرجع لأصاحبه. قدامك بالضبط نص ساعة.. تأخد هدومك اللي جيت بيها، الهدوم الشغالة اللي كنت لابسها يوم ما دخلت الفرن تترجاني شغلك، وتطلع بره بيتي. وأنا مش هطلقك دلوقتي.. هسيبك معلق، عشان لما تروح تتجوز حبيبة القلب، تعرف تدفع المهر والشبكة منين، وتشوف هتعيشها في أنهي شقة إيجار، وهتشتغل إيه عشان تأكلها.”
صرخت بحشرجة ونبرة رجاء:
“شادية! أنتِ بتنتقمي مني عشان عايز أتجوز؟ أنتِ بتدمريني!”
ردت بصلابة لم أعهدها فيها من قبل:
“أنا ما بدمركش يا حامد.. أنا برجعك لمكانك الطبيعي اللي أنت نسيته. أنت اللي دمرت نفسك لما افتكرت إن الطيبة هبل، وإن الستر اللي عشته سنتين كان بذكاءك مش بفضلي. النص ساعة بدأت.. ولو الـ 30 دقيقة خلصوا وأنت هنا، هطلب أمن العمارة يرموك بره زي ما كان صاحب القديمة بيعمل.”
خرجت من الصالون ودخلت غرفتها وأغلقت الباب بالمفتاح، ليبقى صوت غلقة الباب يرن في أذني كأنه جرس إعلان هلاكي.
وقفت في منتصف الصالة الفخمة، أنظر إلى الثريات الكريستالية، السجاد الإيراني، والأثاث المذهب الذي اعتاد جسدي عليه خلال السنتين الماضيين. كيف أعود للاشيء في لحظة؟ كيف سأواجه الشارع مرة أخرى؟ والأهم.. كيف سأواجه سلمى؟
بحثت في الخزانة عن حقيبة، لكن غروري ومنطقي المشوه منعاني من أخذ أي شيء ذي قيمة من الملابس الفاخرة التي اشترتها لي. أخذت بعض الملابس البسيطة، حزمت أمتعتي في حقيبة ظهر صغيرة، وخرجت من الشقة مشدوهاً، أمشي كالمسطول.
عندما نزلت إلى مدخل العمارة، وجد الحارس ينظر إليّ بنظرة غريبة، حاولت أخذ السيارة، لكنه وقف أمامي شديد وقال:
“آسف يا حامد بيه.. شادية هانم بلغتني إن العربية مش هتتحرك، واستلمت مني المفتاح الاحتياطي.”
كانت تلك أول صفعة من الواقع. خرجت إلى الشارع مشياً على الأقدام، الهواء البارد يلفح وجهي، والليل . لم يكن في جيبي سوى بضعة آلاف من الجنيهات، وهي كل ما أملكه في هذه الدنيا بعد سنتين من الثراء المزيف.
ت وجهت فوراً إلى المقاهي القريبة، جلست هناك أفكار في رأسي تتصادم كالعاصفة. كيف تحولت شادية من الحمل الوديع الشديد الحنان إلى هذه الصخرة الصماء؟ هل كانت تنتظر هذه اللحظة؟ أم أن جرح كبريائها كان أعمق مما تخيلت؟
مع بزوغ الفجر، لم يكن أمامي سوى ملاذ واحد.. “سلمى”.
اتصلت بها بصوت يرتجف، وقلت لها إنني بحاجة لرؤيتها فوراً لأمر جلل. التقينا في إحدى الحديقات العامة القريبة من منطقتها. كانت ترتدي ملابس رقيقة، وابتسامتها تملأ وجهها الصغير.
قالت بلهفة:
“خير يا حامد؟ كلمت مدام شادية؟ وافقت؟”
أطرقت رأسي في الأرض، وحكيت لها ما حدث بالتفصيل، محاولاً تجميل موقفي وإظهار شادية بمظهر المَرأة الجشعة التي جردتني من كل شيء لمجرد أنني أردت ممارسة حقي الشرعي.
انتظرت أن أرى في عيني سلمى نظرة التعاطف، أو أن تمسك بيدي وتقول لي: “أنا بحبك أنت مش فلوسك، وهنبدأ من الصفر سوا”.
لكن ملامح سلمى بدأت تتغير تدريجياً مع كل كلمة أقولها. اختفت الابتسامة، وحلت محلها نظرة استغراب وجفاء.
عندما انتهيت من حديثي، سادت لحظة صمت ثقيلة، ثم قالت سلمى بصوت بارد لم أعهده فيها:
“يعني أنت دلوقتي.. حاف؟ مفيش شقة؟ مفيش شغل؟ مفيش عربية؟”
قلت لها بلهفة ورجاء:
“سلمى.. أنا عندي خبرة دلوقتي، أنا أقدر أشتغل في أي مكان وأقف على رجلي تاني! المهم إننا مع بعض، أنتِ مش كنتِ بتحبيني؟”
ضحت سلمى ضحكة قصيرة فيها الكثير من السخرية، وقامت من مجلسها وهي تعدل حقيبتها وقالت:
“أحبك؟ طبعاً كنت بحبك لما كنت حامد بيه، صاحب الفرن واللي راكب عربية أحدث موديل وعايش في شقة فخمة! لكن أرجع أتجوز واحد مش حيلته لقمة يومه وعايش في الشارع؟ أنت عندك 29 سنة دلوقتي، هتبدأ من الصفر إزاي؟ وعلى ما تعمل نفسك هكون أنا كبرت!”
سقطت الكلمات عليّ كالصاعقة، قلت بصدمة:
“سلمى! أنتِ بتقولي إيه؟ أنتِ كنتِ بتقوليلي إنك معجبة بيا لشخصي!”
ردت بصلابة وقسوة لم أتوقعها من تلك الفتاة الرقيقة:
“شخصك؟ هو أنت شخصك إيه من غير الفلوس والجاه اللي الست دي عملتهولك؟ أنت حتى مكنش عندك الجرأة تصون النعمة اللي كانت في إيدك! ست كتبتك كل حاجة وشالتك من الفقر، بعتها عشان واحدة شافت حركة عينها في الفرن؟ إذا كنت أنت أكلت العيش وكسرت الترابيزة مع اللي خلتك بني آدم.. هتحافظ عليا أنا إزاي لما الدنيا تضيق بيك؟”
تركتني سلمى وسارت بخطوات سريعة دون أن تتلفت وراءها، تتوارى بين المارة، بينما بقيت أنا مسماراً في مكاني، أتحسس النصف الآخر من الحقيقة القاسية التي رفضت أن أراها.
في ظرف 12 ساعة فقط، خسرت كل شيء. خسرت شادية التي أعطتني الأمان والجاه والمال، وخسرت سلمى التي طاردت سراب شبابها ورقتها. اكتشفت أنني لم أكن سوى وهم كبير، رجل بنيت قصراً من الرمال على شاطئ كبرياء امرأة أخرى، وحين قررت أن أتمرد، جرف الموج قصري ولم يبقَ مني سوى الخواء.
مرت الأيام كأنها الكوابيس. استأجرت غرفة صغيرة وهشة في منطقة نائية، تشبه تماماً الغرفة التي بدأت منها قبل سنتين. بدأت الفلوس القليلة التي كانت في جيبي تنفد بسرعة. حاولت البحث عن عمل في المحلات والمخابز الأخرى، لكن الخبر ينتقل في السوق أسرع من البرق.
