بقلم امال كريم 1

و في آخر سنة طلب ايدي للجواز، طبعا أهله و اهلي رفضوا ،بس أنتصر حبنا في الاخر.

سبت القاهرة و جيت معه الصعيد.

من تأتي يوم و أهله يعاملوني كاني خادمة.

يوم الصباحية الساعة سبعة الصبح

لقيت خبط جامد على باب الاوضة، قومت مفىزوعة، و بصت جنبي لقيت سليم مش حاسس بحاجة.

قولت بخوف: سليم ،سليم ، قوم شوف مين يخبط.

فتح عيونه بابتسامة وقال: صباح الخير يا نغم قلبي.

قولت بابتسامة: صباح النور قوم شوف مين.

نزل من على السىرير و هو بيقول : أكيد جيبلنا الفطار.

قولت في نفسي من الغبي اللي يعمل كده.

فتح سليم و كانت أسماء اخته، سأل: في ايه ،كل ده خبط.

قالت بسخرية: معلش السنيورة زعلت.

سليم بصوت عالي: عايزة ايه.

حطت أيدها في وسطها و قالت بدلع : أمك اللي عايزة المحروسة تنزل تساعد في شغل البيت.

سليم بتعجب: بتقولي ايه، شغل ايه دي عروسة.

أسماء: أنزل قول ل أمك الكلام ده…

و نزلت و هو داخل و مش عارف يقولي ايه.

أنا كنت سمعت كل الكلام و مستغربة الناس الغريبة دي بس قولت علشان خاطر حبيبي اجي على نفسي.

قعد جنبي بحزن و قبل ما يتكلم قولت بابتسامة: مش مشكلة يا حبيبي ،أنا أنزل أشوف ماما عايزة مني ايه.

مسك أيدي و قال بحزن: أنا آسف يا حبيبتي ،بس كل حاجة هنا تمشي بأمر أمي.

أبتسمت و أنا بقول و الحقيقة كنت فاكرة الموضوع عادي: مفيش مشكلة ،ربنا يبارك فيها.

و قومت ،خدت حمام و لبست و صليت و نزلت.

و سليم قرر يكمل نىوم.

و أنا نازلة على السلم ،كان أخو سليم الكبير نازل.

وقفت على جنب علشان ينزل هو الأول و قولت بهدوء: صباح الخير.

بص لي من فوق لتحت و قال بنبرة حادة: صباح النور، اومال فين المحروس جوزك.

استغربت ليه يقول على اخوه كد، بس رديت: نايم.

بص لي ،بس كانت نظرة غريبة و قال: مبيفهمش طول عمره، علشان يسبك لوحدك.

حست بالخوف منه ،مش عارفة اللي فهمته صح و لا لا

بس أكيد لا ،ازاي يبص لمرات اخوه.

قرب مني خطوة و أنا رجعت لورا، و قبل ما يتكلم.

جت مراته و قالت بصوت عالي: خير صابر لسه عندك ليه.

قال : احم مفيش حاجه كنت نازل بس بصبح العروسة.

نزل صابر، و جت مراته سميحة و قالت: وقفة عندك تعملي ايه.

كانت تبص لي بطريقة تخوف و قولت: مفيش حاجه كنت نازلة أشوف ماما.

ض*ربتني على كتفي و قالت: طيب يا محروسة افهمي الكلمتين دول، أنا هنا مرات الكبير يعني كل حاجة تتم بامري، و جوزي اوعي المحك تقفي معه فاهمة.

هزت راسي بنعم و أنا خائفة منها و نزلت سميحة و أنا وراءها.

افتكرت دلوقتي كلمة سليم لما قالي، أنتِ هتكوني فاكهة البيت،و محدش زيك.

اخوات سليم صابر الكبير و رفاعي التاني ، أسماء.

سميحة مرات صابر و أسماء و حتي نادية مرات رفاعي، جمالهم عادي جدا بشرة سمراء و ملامح حادة جدا تخوف ،أنا بخاف منهم

2 من 2التالي
تابع المقال

شاهد أيضاً
إغلاق
زر الذهاب إلى الأعلى