بقلم امال كريم 1
:الطفل مش إبنك. كنت وقفة قدام جوزي و بقول بكل قوة الجملة اللي هزت كيانه و مش بس كده، أنا قولت قدام البلد كلها. كان عامل ليلة كبيرة بمناسبة أنه خلف بعد سنين، و جيت أنا قدام الكل و قولت كده. بقت الناس تبص لبعض بذهول ،و دول صعايده ازاي أقول كده و أخرج وسط الرجالة، و كمان أطلع على المسرح و أقول كده.
كان ماشي في طريقه لي و قال بعصبية: بتقولي ايه ،أنتِ مجنونة، أنزلي من عندك بدل ما اجيبك من شعرك.
بصت بابتسامة و قولت: اوعي تفكر تقرب خطوة كمان، شايف البودي جارد دول عندهم أوامر لو حد فكر يمس شعره مني يخلصوا عليه.
وقف مكانة و صىرخ بجنون: طيب انزلي يا نغم ، خلينا نكلم براحة.
أبتسمت بسىخرية و قولت: خلص الكلام، اللي عندي قولته، الود مش إبنك، خد التقيلة مش أنا اللي مش بخلف ،أنت اللي عقيم عارف يعنى عقيم ،بس تصدق أنا شايفة أن مخك العقيم.
قال حماي العزيز: بت قليلة أدب بصحيح ،مش هي دي اختيارك جابت لنا العىار.
قولت بابتسامة: كان نفسي أسمع كلامك الجميل بس مش طايقة أسمع صوت حد فيكم، أسمع يا سولي، أنت اللي مش بتخلف و أنا علشان بحبك و خوفت على مشاعرك قولت أني أنا اللي مش بخلف، بس طلعت واط_ي و خس_يس ،و قولت اتجوز علشان اخلف، و روحت اتجوزت واحدة استغفر الله العظيم ،كل شوية مع واحد شكل، و لما عرفت أنها حامل قولت اللعبة احلوت اوي مبروك عليك إبنك اللي مش إبنك.
قال أخوه بدافع عن شرف العيلة: حتي لو كلامك صح ممكن يكون اتعالج.
قولت بهدوء: طبعا ممكن علشان كده أنا عملت تحاليل أول ما عرفت أن السنيورة حامل، و طلعت أن عمرك ما تكون أب، و كمان زيادة تأكيد عملت تحليل DNA علشان أعرف إبنك و لا لا.
بصيت في عينه بقوة و شم\اتة و قولت: الود مش إبنك يا سولي.
و مدت ايدي بتحاليل لواحد من البودي جارد وصولها لسليم.
و جيت أنزل بس رجعت و مسكت الميك تاني و قولت : شوفت كنت أنسي، بقولك يا سولي، قىضية الخىلع كانت النهاردة و طبعا أنت مرحتش و لا بعت محامي فأنا كسبت القىضية و بقت أنت مخ_لوع.
و ضحكت بصوت عالي.
كان مذهول و هو حاسس أنه في دوامة و عنده حق برضو اللي عملته أنا مش شوية بس أنا حاولت أكون طيبة معه.
سأل بعدم فهم : قىضية.
قولت بضحك : أنا رفعت قىضية خىلع بس طبعا بعت المحضر على بيتك القديم اللي في القاهرة، و مجبتش سيرة أنك عايش في الصعيد حاليا، و كسبت القىضية يا سولي، مبروك عليك إبنك يا مخ_لوع .
الكل كان بيص لي بذهول و محدش مصدق أني ممكن أعمل كده، بس محدش فيهم عارف أنا عشت ايه.
فجأة طلع المسد_س من جيبه و قال بجنون: اقت_لك يا نغم، أقت_لك.
وقفت قدامه بقوة، بس قبل كده تعالوا أقولكم حكايتي و ايه خلني أعمل كده…..
/////////////
في مطعم فاخر
كانوا تلاتة بنات قاعدين مع بعض، اتقبلوا بعد سنين.
كانوا مع بعض من أول ابتدائي لحد الثانوية العامة.
و بعد كده تفرقوا عن بعض.
و كل واحدة أنشغلت في حياتها.
و النهاردة بعد سنين قرروا يجتمعوا مرة تانية.
قالت نغم بسعادة: عاملين ايه يا بنات,وحشتوني اوي ، والله فكرة حلوة أن نتقابل تاني.
أبتسمت نور و قالت: طبعا أفكاري غير اي حد.
نجاة: لسه مغرورة زي ما انتي يا نور ,المهم اللي حصلوا معاكم في السنين اللي فاتت.
نور و نغم في صوت واحد: اسكتي حصل كتير.
نجاة بفضول: ايه اللي حصل.
نغم : اتكلمي يا نور.
حركت رأسها بالرفض و قالت: أنتِ الاول يا نغم القلب.
غمضت نغم عيونها بحزن و هي بتقول: حصل معي حاجات كتير اوي يا بنات.
/////////////
[ حكاية نغم]
كنت وقفة في الشباك ببص بحزن و دموع ،على جوزي و هو داخل مع مراته التانية.
أنا نغم بحب الروايات جدا مش بس بحبها بس أنا بعش/قها.
بس في روايات مش ممكن أقرأه ، زي الروايات اللي تظهر الزوجة الأولي شىريرة و طماعة و حاينة أما الزوجة الثانية ملاك برئ، و هي اللي تحب البطل بعد ما كان محدش يحبوا.
ده كدب و يضحكوا على الناس، لأن لو الزوجة التانية ملاك اي كان السبب ترفض تحرح قلب واحدة تانية.
الزوجة الأولى مش شريرة دي بتكس\ر كس\رة مفيش بعدها.
أنا دلوقتي ببص على جوزي و قلبي يتقط/ع،ليه يعمل فيا كده
أنا حبيته أكتر من نفسي، ضحت بكل حاجة علشان خاطره، عايشة في البيت زي الخادمة و بقول معلش علشان بحبه.
أنا من القاهرة من عيلة غنية ،قابلت سليم جوزي في الجامعة و وقعت في حبه من أول لحظة، و هي كمان بدلني نفس الشعور.
