سمر

بس كان لازم احكيهالك عشان تبقي عارفة ايه سبب تصرفات عبير الغريبة …

قلت عموما خلي بالك منها وحاول تنسيها الي حصل واحدة واحدة …

قال هو ده الي انا بحاول اعمله من يوم الحاډثة

قلت طيب انا هطلع بقي يا صقر وتبقي اقفل البوابة كويس

قال اطمني يا فندم ونامي وغمضي عنيكي انا سهران تحت العمارة طول الليل …

قلت تمام يا صقر تصبح علي خير

نظر الي بادب شديد وقال وحضرتك من اهلة

خرجت من عند صقر وطبعا مطلبتش منه اي اوراق

لاني مقدرتش اقولة علي اي اوراق بعد كل الي سمعته ده

وحتي لو كنت طلبت فا اكيد الراجل هرب وساب كل حاجة ومفيش معاه ولا اي ورقة … بصراحة … مش عارفة ليه حسيت اني تعاطفت مع صقر وعيالة

يمكن عشان القصة الي حكهالي

ويمكن عشان منظر اليتم الي في عيالة

ويمكن عشان الظلم الي اتعرض ليه صقر

عدي كام ولقيت شقيقي احمد الكبير بيتصل بيا وبيسالني علي موضوع الاوراق والبطاقة الخاصة بصقر

قلت اه خلاص يا احمد انا شوفت الاوراق بنفسي واتاكدت منها …

رد احمد قائلا

طيب يا شيرين في موضوع عايز اكلمك فية بس مكنش ينفع اقولك عليه لغاية ما تتاكدي ان هيبقي معاكي في البيت بواب دائم عشان كلام الناس

قلت معلش … وضح يا احمد مش فاهمه حاجة !!!!!!!

قال حاضر هفهمك .

في واحد زميلي في البنك الي بشتغل فيه وصاحبي في نفس الوقت … من فترة كده حصلتلة ظروف اثرت علي نفسيتة … وعشان كده فكر انه يغير السكن بتاعة

ويشتري شـ،ـقة جديدة يعيش فيها

ولكن بشرط تكون جنب شغلة في المنيل …

فا انا اقترحت عليه بانه يشتري الشـ،ـقة عندك في العمارة

بدل ما العمارة فاضية عليكي كده

بس كنت منتظر لما تجيبي بواب

عشان ميبقاش ساكن معاكي راجل وانتي

لوحدك

وانتي طبعا عارفة كلام الناس

وخصوصا انه هو كمان عازب وهيعيش لوحده … لكن طالما بتقولي انك اتاكدت من البواب الي عندك وهيستمر في العمارة خلاص

قلت تمام انا معنديش مانع طالما انت عارفة خلاص

وبعد انتهاء المكالمة كنت متضايقة جدا

لان احمد اخويا فرض عليا شخص يعيش عندي في العمارة بدون رغبة مني … لاني كنت بتمني اني انا الي اختار الناس والجيران الي هيعيشوا معايا …

المهم بعدها باسبوع لقيت … احمد اخويا جاي ومعاه راجل في الاربعين من عمره … ولما احمد اخويا عرفني عليه قالي انه اسمة هشام … وكان راجل غريب شوية
لانه كان قليل الكلام جدا … بيرد علي اد السؤال …

والابتسامة مش بتعرف طريق لوجهه وتحس كده انه مغرور ومتعالي ومتكبر معرفش علي ايه

المهم كتب معايا عقد الشـ،ـقة وبعدها بيومين … صحيت الصبح علي جلبة وصوت عالي من شوية رجالة في الشارع …

فقمت فتحت الشباك لقيت عربية نقل كبيرة من الي بتنقل الاثاث بتطلع العفش بتاع هشام

وعرفت ان خلاص انا شربت الي اسمة هشام ده فعلا

تابع المقال

زر الذهاب إلى الأعلى