رواية بقلم ناهد خالد

كلامها خارج من ورا قلبها، وأول مره تعرف معنى الجملة دي، معنى انك تقول كلام قلبك رافضه بس بتجاري الموجه.

_ معلش يا حبيبتي كان عندي شغل كتير اوي.

ابتسمت وداخلها بتردد بسخرية ” مانا عارفه الشغل ده”.. هي عارفه كويس انه كان معاها، متعرفش هو كان معاها طول الايام اللي فاتت ولا اتقابلوا في اوقات معينه، لكن هي متاكده انه شافها وقابلها.

_ غير هىدومك على ما اجهزلك الأكل.

وانسحبت من قدامه وسؤال واحد بيتردد في عقلها بعد ازاي هتقدر تتعامل معاه؟ هي شكت في خيانته ليها من فترة لكنها اتأكدت قبل سفره بيوم واحد لما شافت رساله على تليفونه بتقول “هستناك تكلمني فيديو بعد مراتك ما تنام، عاوزه اوريك القميص الجديد اللي جبته وباللون اللي بتحبه” ومكانش طبعا في مجال للشك بعد الرسالة دي، مش قادره تتعامل معاه وهي اللي فكرت الموضوع سهل، لكن فعلا الخيال شيء والواقع شيء تاني.

_ تسلم ايدك يا منمن، الأكل تحفه كان واحشني اكلك طول الايام اللي فاتت.

ابتسمت بدلع وهي بتقول:

_ كان واحشك اكلي بس!!؟

ضحك وهو بيمسك ايدها وبيقول بحب:

_ كلك واحشني..

بصتله بسكوت وهي بتكلم نفسها جواها “ازاي بيعرف يتلون كده؟ ازاي بيمثل الحب وهو بيخون؟”أفضل الهدايا لأحبائكم

_ روحتي فين يا حبيبتي؟

بصتله بابتسامة وهي بتفوق من شرودها وقالت:

_ معاك.. انا بس حاسه اني دايخة ومرهقة شوية من تعب اليوم.. أصل قعدت اروق الشىقة واجهز الأكل وكده.

_ تحبي تنامي؟

وقفت وهي بتقول متصنعة التعب:

_ انا شكلي كده محتاجه انام فعلاً.. كل انت ولما تخلص حصلني.

وسابته ودخلت الأوضة قفلت الباب وخدت نفس قوي جدا بتحاول تمنع بيه عياط لو اتفتحت فيه مش هيقف، راحت نامت على السىرير وعقلها زي الطوفان بيلف بسرعة رهيبة في كل أحداث الفترة اللي فاتت..

********

تاني يوم..

صحيت الصبح ولأول مرة تبصلها بالكر’ةه ده وهو نايم، لأول مرة متفضلش بصاله بحبه وبتقول لنفسها انه شكل حلو وهو نايم وبريء، يمكن لانها دلوقتي بقت متأكده انه مش بريء ابدًا! قامت فورًا من جنبه، ومسكت تليفونها خرجت بيه الصالة وهي بتطلب رقم اخوها اللي رد بعد ثواني..

_ خير يا منى؟ في حاجه حصلت؟

كان صوته كله نىوم فعرفت انها قلقت نىومه:

_ معلش يا حبيبي كلمتك بدري.. كمل نىوم وهكلمك بعدين.

رد بقلق:

_ لا طبعا نىوم ايه، قولي في ايه؟

خدت نفس وقالت بعدها:

_ انا بس عاوزه رقم محامي يكون كويس، قولت اكلمك يمكن تعرف حد.

وقبل ما يرد “حسين” جه صوت “عاصم” من وراها بيسألها:

_ انتِ عاوزه محامي في ايه؟؟