رواية بقلم ناهد خالد

خلاص يا ماما.. على فكره يا منى انا عرفت انه طىلق مراته التانيه, وسمعت كمان انه هيصفي شغله هنا وهيرجع المنيا بلده.

وفجأة ومن غير أي مقدمات انفحرت في عياط معرفتش توقفه, عياط استمر لدقايق طويلة وامها واخواتها بيحاولوا يهدوها, لحد ما هديت شوية وامها قالت بعياط:

يا بنتي ما كنتي سامحتي ما دام الراجل طىلقها حتى بعد ما طىلقك, وعملك كل اللي انتي عوزاه كان لزمته ايه خراب البيت, كل انسان بيغلط المهم انه عرف غلطه.

هزت راسها من بين عياطها وقالت:

لا.. عمري ما كنت هنسى غدره بيا, انا كنت مدياه الأمان على نفسي وحياتي معاه وهو كان بيلعب من ورايا, اديله الأمان ازاي بعد كده! اسامحه ازاي واكمل ازاي وانا جرحي بينزف من اللي عمله فيا.

الجرح كانت هتداويه الأيام.

كداب اللي يقول ان جرحه اتداوى مع الأيام .. وكداب اللي قال نسي, احنا بنحاول يا ماما مش اكتر, وانا كنت طول الوقت هكون شاكة فيه ومش مأمنه وحياتنا كده مكانتش هتنفع, وطول الوقت كنت هشوف نفسي دوست على كرامتي وقبلت اكمل معاه بعد اللي عمله معايا .. انا هبقى كويسه, شوية وهبقى كويسة وكل ده هيكون ماضي… ماضي كسبت نفسي فيه, اللي يخون مره ملوش امان يا ماما, اللي كان قادر ينام جنبي ويبص في عيني وهو غادر بيا ملوش امان, اللي كان بيضحك في وشي وهو كداب ملوش امان… انا كسبت نفسي وقلبي انا هقدر عليه.

وانتهت القصة بالبعد الموصوم بالكرامة, انتهت بغدر متكتبش لها السماح, وخيا’نة التكفير عنها مكانش كفاية .. لان “اللي يخون مره لا أمان له”.