ابو عيالي
بعد جوزنا علي طول وفي يوم لقيته بيكلمني
وبيقولي
ابراهيم
الو انتي فين يا ست هانم انا رجعت من السفر
مش لقيتك وروحغ عند امك مش لقيتك برضه
هناك
زينب
انا عند خالتي حاضر ماشي جايه اهو وبعدها
قومت ولقيت مصطفي ابن خالتي بيقولي
مصطفي
بجد انا مش فاهم انتي ازاي كده اول لما اتجوزك سابك ومشي وبعدها جاي دلوقتي ورايحه علي
هناك علي طول
زينب
بقول لك ايه يا مصطفى طلعني من دماغك احسن انا دلوقتي جوزي رجع ومش عايزه اي مشاكل انت سامع ولا لا
مصطفي
يا بنت الناس فكري في موضوع والله العظيم الراجل ده ما يستاهلكيش انا الوحيد اللي سالي اني اعيش معاكي لان انتي عارفه ومتاكده كويس قوي ان انا بحبك
زينب
لو اخر واحد في الدنيا انا لا يمكن اتجوزك
انت سامع ولا لا اوعي كده من وشي
مش طايقه نفسي وبعدها روحت
ابراهيم
حلو قوي اللي انت بتعمليه ده يا ست هانم انا مسافر علشان خاطر اشتغل وانت خارجه تتصرمحي وتلفي على حل شعرك
زينب
ايه يا ابراهيم طريقه الكلام اللي انت بتكلمني بيها دي ما انت عارف ومتاكد كويس قوي ان انا عمري ما اعمل اي حاجه غلط من وراك انا كل الموضوع بس ان انا مش برتاح عند امي علشان خاطر جوزها ورحت قعدت عند خالتي
ابراهيم
على اساس ان خالتك بقى عايشه لوحدها وما عندهاش رجاله ولا ايه يعني
زينب
انا عايزه افهم بس هو انت سافرت في ايه ورجعت في ايه ده انت يا دوبك اربع شهور بس ورجعت وطول الاربع شهور انا ما كنتش اعرف عنك حاجه
ابراهيم
اسامه طلع بيضحك عليا وما فيش شغل هناك ولا اي حاجه بجد انا مش عارف ليه الحظ معايا عامل كده والظروف معايا هنا مزنقه اوي
زينب
سيبها علي الله يا حبيبي واكيد يعني بكره
ربنا هيكرمك بفلوس وبعدها دخل
وفي يوم كنت عند امي ولقيتها بتقولي
الام
والله يا بنتي مش عارفه نصيبك عامل
ليه كده يعني قولت خلاص الدنيا هتضحك
في وشك وفي الاخر جوزك يرجع ايد ورا
وايد قدام
زينب
المشكله أنه بقي عصبي يا ماما تصدقي
من يوم ما رجع من برا وهو بينام في اوضه لوحده ما بيفكرش انه يدخل عندي الاوضه خالص انا مش فاهمه عملت معاه ايه علشان يعمل فيا كده مع انه قبل ما يسافر ما كانش والله ب: يا بنتي انا عارفه الراجل لما يكون مش معاه فلوس في ايده بيكون عامل ازاي غصب عنه يا حبيبتي استحملي ربنا يكرمه ويوسع رزقه يارب
المهم انا عندي فكره حلوه اوي المحل بتاع ابوك الله يرحمه ما هو مقفول خليه يشتغل فيه اي حاجه
زينب
والله يا ماما فكره حلوه قوي بس لو جوزك سمع الموضوع ده اكيد مش هيسكت يعني
الام
موضوع هيحصل بيني وبينك كده يا حبيبتي يعني واقول لك على حاجه علشان خاطر جوزي ما يقدرش يتكلم مع جوزك في حاجه هنعمله عقد ايجار
زينب
والله فكره حلوه قوي انا هروح لابراهيم واحاول اتكلم معاه في الحوار ده وبعدها فعلا روحت البيت وكان ابراهيم قاعد قدام التلفزيون
ابراهيم
روحتي لامك ان عارف والله ان جاي
جاي عليكي الفتره دي بس معلش استحملني
شويه ومتزعليش مني
زينب
والله انا جات ليا فكره حلوه قوي انا وماما بس مش عارفه انت هتوافق عليها ولا لا ايه رايك تاخذ المحل بتاع بابا تشتغل فيه
ابراهيم
لا والله على اساس انك مش عارفه جوز امك عامل ازاي يعني اكيد طبعا مش هيوافق على الكلام اللي انتي بتقولي عليه ده
زينب
